ZUbi, euskarazko antzerkigintza sustatzeko ekimen berri bat

Hainbat elkarte batu dira eta urtero antzezlan bat ekoitziko dute

Astelehena, 2012-07-16 |
ZUbi, euskarazko antzerkigintza sustatzeko ekimen berri bat

Euskarazko antzerkigintza sustatzeko helburuarekin jaio da ZUbi. Baina baditu beste helburu batzuk ere;  antzerki konpainien eta programatzaileen arteko zubi lana erraztea. Hego zein Ipar Euskal Herriko zazpi areto elkartu dira ekimen honen baitan eta urtero lan bat saritzeko asmoa dute. Konpainia irabazleari, diru laguntza emateaz gain, laguntza artistikoa eta bultzatzaileen aretoetan erresidentzia hartzeko aukera emango zaio. Ez hori bakarrik. Proiektu irabazleak zazpi emanaldiko bira egin ahal izango du.

 

Zazpi dira ZUbiren sustatzaileak: Luhusoko Harri Xuri Karrikako arteen fabrika (Lapurdi), Donazaharreko Herri Antzokia (Nafarroa Beherea), Durangoko San Agustin Kultur Gunea (Bizkaia), Leioako Kultur Leioa (Bizkaia), Zornotzako Ametx Zornotza Aretoa (Bizkaia), Elorrioko Arriola Aretoa (Bizkaia) eta Aulestiko Artedrama Euskal Laborategia (Bizkaia). Eta zazpi elkarte horietako ordezkariak izango dira ZUbi egitasmoaren epaimahaia osatuko dutenak.

Deialdia antzerki proiektu berri bat duen orori zabalduta dago. Baina ideia berriak bultzatu nahi dituzte eta, zehatzago esanda, sortzaile berrien proiektuak. Hori bai, euskarazko testuak sarituko dituzte, edo testurik gabeko lanak bestela. Guztiek ere proiektu abiatu berriak izan beharko dute. Horrez gain, formatu txikiko eta ertaineko lanak hobetsiko dituzte, bideragarriagoak direlako, aretoen baldintzetara moldatzeko aukera zabalagoa baitute.

Durangon egin zuten ZUbi proiektuaren aurkezpena.

Proiektuak aurkezteko azken eguna: irailak 14

Egitasmo honen inguruko xehetasun gehiago aurkituko dituzue esteka honetan. Hala nola, bete beharreko formularioaren PDFa. Kontuan izan irailaren 14an amaituko dela proiektuak aurkezteko epea. Gainontzean, informazio gehiago Leioako Artedraman edo Luhusoko Kultur Aretoan jaso daiteke.

Artedrama Arte Eszenikoen Plataforma

Jose Ramon Aketxe Plaza 11

48940 Leioa

+34 615 779 511 / 633 567 646

info@artedrama.com

http://www.artedrama.com/eus/index.php

Harri Xuri - SIVOM Artzamendi

Kultur Aretoa

F-64250 Luhuso

+33 (0) 5 59 55 58 43

harrixuri@yahoo.fr

http://harrixuri.blogspot.fr/

Iruzkinak (0)

Iruzkina idatzi

Bideoa

    Mikel Peruarenak Su zelaiak nobela berria aurkeztuko du Susa argitaletxearen eskutik.

    Lehen Mundu Gerrako bataila eta triskantzetan Euskal Herriko 6.000 lagun hil ziren, eta beste milaka batzuk era lazgarrian hondatu: itsu, maingu, herren, zoro. Belaunaldi oso bat sakrifikatu zen.

    Baionako Infanteriako 49. Erreximenduaren ibilerak aletuz, krudelkeria neurririk gabeko haren kontakizun gordina dakar Mikel Peruarena Ansaren bigarren nobelak. Soldadu saldoa duzu protagonista, infernuko zelaietan sarraski kolektibo batean kiskalia. Eta soldadu haien guztien artean da Filipe Luro ikazkina ere.

Agenda

Harremanetarako

Oier Guillan & Imanol Ubeda
This e-mail address is being protected from spambots. You need JavaScript enabled to view it.

Txioak

Laguntzaileak