Poesia orduak Donostian

Larunbata, 2010-09-18 | Literatur jardunaldiak
Poesia orduak Donostian

Irailaren 9an eta 10ean Poesia Orduak antolatu zituen Euskal Idazleen Elkarteak Donostian, Viktoria Eugenia Clubean. Laugarren aldia da hitzordu hau antolatzen dela, euskal jaien egitarauaren barruan, eta urtero publikoa ugaria izan da.

 
Aurtengoan ere bi poesia saio eskaini dira: 9an, ostegunarekin, Harkaitz Cano idazleak eta Beņat Barandiaran musikariak Sidecar arima errezitaldia eskaini zuten. Testu propioak aukeratu zituen Canok, eta literatur Textjockey-arena eginez beste egile batzuenak ere tartekatu zituen: Leonard Cohen, Leopoldo Maria Panero, Mario Benedetti...

Canok zuzenekoetan jendearekin komunikatzeko duen gaitasuna utzi zuen agerian. Aukeratutako testuek erraz eraman zuten publikoa, esaldi zuzen, argi eta sarri umoretsuek lagundurik. Beņat Barandiaranek egokiro girotu zituen hitzak, eta tarteka bere bakarkako uneetan musika estilo ezberdinak jorratuz baita jendea harritu ere, flamenko ukituekin zein metal doinu gogorragoekin.

10ean honezkero plaza batzuk ezagutu dituen ikuskizunaren txanda: Haragizkoa. Susak udaberrian kaleratutako Haragizko amoreak Omar Nabarroren liburuan oinarrituta dago, Nabarro berarekin batera Rafa Rueda eta Jaime Nieto musikariak eta Joseba Barrenetxea argazkilaria dabiltza lanean.

Nabarrok biluzte ariketa nabarmena egiten du emanaldian, Edorta Jimenezen laguntzarekin. Aurpegi beraren pean tartekatuko dira bien ala bien ahotsak, gorputzen biografiak erkatuz. Momentu intentsuak (Titanioa poemaren irakurketa) eta momentu hunkigarriak (Usainak amari buruzko poema, arrebari buruzko kanta) uztartzen dituen saioa egin zuten ostiralean, letretan barreiaturiko sagarrak eta erleak, ipurtargiak zein inurrien laguntzarekin.

Irudiak

Iruzkinak (0)

Iruzkina idatzi

Bideoa

    Iolanda Zuņigaren  Post-it bizitzak (Pasazaite) liburua ekarri du euskarara Iņigo Roque Eguzkitzak. “Liburu honetako bizitza puskak arruntak dira, gutxietsiak, iragankorrak, trukagarriak. Baina, halaber, egiazkoak”, argitaletxearen web orrian irakurri dugunez.

Agenda

Harremanetarako

Oier Guillan & Imanol Ubeda
This e-mail address is being protected from spambots. You need JavaScript enabled to view it.

Txioak

Laguntzaileak