Miren Asiainek irabazi du Etxepare saria

Astelehena, 2012-03-05 | Idazleak
Miren Asiainek irabazi du Etxepare saria

Nafarroako hainbat toki entitatek, haien Euskara Zerbitzuen bitartez, Nafarroan literatura sari esanguratsu baten hutsunea zegoela ikusirik, eta, beraz, literatur lehiaketen alorrean erreferentzia izanen zen saria sortzeko xedearekin, Etxepare literatur sariak antolatu zituzten 2004an. Album ilustratuak dituen ezaugarriengatik, garestia da bere produkzioa. Argitaratzeko zailtasun hori bihurtzen da, hain zuzen, albumak sortzeko oztopo nagusi. Beraz, Etxepare sariaren helburuak betetzeko ez da nahikoa saria ematearekin, lanak argitaratzen ere lagundu behar da. Horrela, saritutako lana Pamiela argitaletxeak argitaratzen du.

 

Azken edizioan, 16 izan dira Etxepare sarira aurkeztu diren lanak baina epaimahaiak Miren Asiainen (Iruńea 1988) "Hara!" lana goraipatu nahi izan du. Atzokoan egin zen sari banaketa eta argazkian dira saritua izan den sortzailea eta epaimahaiko zein antolatzaileetako kide batzuk.

Pamiela argitaletxeak argitaratuko du lan hau euskaraz, 2012. urtean zehar. Horretaz gain, 6.000 euro eskuratu ditu Asiainek, egile eskubideen aurrerapen moduan.?

Iruzkinak (0)

Iruzkina idatzi

Bideoa

    Luis Gardek bere lehen nobela aurkeztu berri du Pamiela argitaletxearen eskutik: Ehiztariaren isilaldia. Bertan bi ildo dira nagusi istorioaren eraikuntzan: lehena 1938ko ezkaban kokatua, bigarrena egun kokatua, liburua idazteko prozesua bera nolabait islatzen duena "Ezkaban preso matxinatu talde batek Iruńea ondoko San Kristobak Gotorlekuko ateak ireki ditu. Ihes jendetsua giza ehiza baten hasiera izanen da. Bi iheslari askatasunaren bila dabiltza inguruko haranetan barna. Donemarien berriz, gaur egun, hedapen urriko poemen idazle batek Ezkabako ihesaldiari buruzko nobela bat hastea erabaki du...".

Agenda

Harremanetarako

Oier Guillan & Danele Sarriugarte & Imanol Ubeda
This e-mail address is being protected from spambots. You need JavaScript enabled to view it.

Txioak

Laguntzaileak