Urtero bezala, liburuaren egunaren testuinguruan pilatu zaizkigu titulu berriak balizko irakurgaien zerrendan. Hementxe duzue azkenaldian aurkeztu diren titulu batzuen berri, tartean: Karlos Linazasoro, Joxemari Iturralde, Mariasun Landa, Lourdes Oñederra, Annaïs Nin, Jose Carlos Fernandes eta Ian McEwan.

http://www.uberan.org/?kaia/item/liburuaren-egunak

Poesia liburuak ez dira beti iristen irakurle klub eta taldeen hitzorduetara. Zorionez badira salbuespenak, Rikardo Arregi Diaz de Herediaren Bitan esan beharra (Alberdania, 2012) da haietako bat. Gaur bertan Arrasaten egongo da liburuaz solas egiteko aukera.

.

Poetaren memoria denboran zehar mantendu dadin, Xabier Lete Euskarazko Nazioarteko Poesia Saria antolatu zuen Gipuzkoako Foru Aldundiak. 2011n izan zen hori. Bi urtez behin egiteko asmoarekin abiatu zen lehiaketa eta dagoeneko bigarren edizioko oinarriak eman dira ezagutzera. Lehiaketa honen bitartez, euskaraz ida­tzi­tako obra berriak eta jatorrizkoak sari­tuko dira. Parte har­tzeko eskaera epea 2013ko urriaren 14 arte izango da. Irabazleak 10.000 euro jasoko ditu. Ondokoak dira lehiaketa irekia hau arau­tzen duten oinarriak.

Aurretik ere hainbat ikastaro eskainitakoa da Yolanda Arrieta. Zentzu horretan, badu eskarmentua eta esperientzia. Uda honi begira, hiru ikastaro hauek prestatu ditu. “Azken hogei urteotako lana eta materiala bildu nahi izan dut hiru ikastarook antolatzeko orduan”, adierazi digu Hitzen Uberan. “Niretzat, bilketa eta antolaketa lan hori, ariketa praktikoa izateaz batera, uda partean lana ez eteteko modua ere bada”. Eskarmentuari etekina ateratzeaz batera datozenei eta ari direnei eskarmentu hori transmititzeko bidea ere bai, jakina. Hiru ikastaroen xehetasunak eskaini dizkigu ondoko elkarrizketan.