"Zeharkakoak": poesia jaialdia Donostiako Guardetxean

Asteartea, 2015-05-12 |

Laugarren aldiz poesia jaialdia antolatu dute Donostiako Guardetxean, Urgull mendiaren magalean. "Zeharkakoak" leloa hartu du aurtengoan hitzorduak, eta jaialdiaren ohiko ezaugarriak ditu aurtengo egitarauak ere: diziplinartekotasuna eta mestizaia.

Pedro Lemebel: diferentziaren ahots borrokalaria

Autore txiletarraren kronika hautatuak amu gisa

Astelehena, 2015-05-11 |
Pedro Lemebel: diferentziaren ahots borrokalaria

Laringe-minbizia aurkitu zioten 2011n, ezin hitz eginda geratu zen 2013an, eta bi urtez borrokan jarraitu ostean, aurtengo urtarrilean zendu zen Pedro Lemebel artista eta idazle txiletarra. Ehunka pertsona elkartu ziren haren ehorzketan, agurra egitera. Euskaraz badugu bere kronika bat irakurgai, baina gutxitxo iritzita, eta Diego Portales unibertsitate txiletarrak orain bi urte autorearen kronika hautatuak argitaratu zituela probestuta, Lemebeli buruzko zenbait zertzelada bildu ditugu.

Patxi Zubizarreta: "Ekitaldi likidoa izango da, ordubetez letretan, notetan, koloretan igeri egiteko"

'Baso bat opari' eskainiko du Donostian, Literaktum-en eskutik

Ostirala, 2015-05-08 |
Patxi Zubizarreta:

Patxi Zubizarretaren 50 nobela (+CD, Txalaparta, 2014) “farandularen mundua” islatzera dator. Nikolas idazlea, Joseba pianista eta Rafa pintorea batu dira, Euskal Herritik Panticosara joateko. Errezitaldi bat eskaini behar dute bertan. ‘Baso bat opari’ ikuskizunak ere, datorren astean Literaktum jardunaldietan eskaini behar dutena, 50 disko-liburua du abiapuntu eta helmuga. Maiatzaren 13an asteazkena, 20:00etan Lugaritz Kultur Etxean. Eta Txalapartarekin plazaratu duen argitalpenean bezalaxe, oholtza gainean ere bidelagun ugari izango ditu Patxi Zubizarretak: Mintxo Cemillan margolaria, Joserra Senperena musikaria eta Maddi Oihenart zein Antton Valverde kantariak.

Pop pilulak fanzinearen laugarren alea laster kalean

Asteon eman dute ale berriaren edukien berri

Osteguna, 2015-05-07 |
Pop pilulak fanzinearen laugarren alea laster kalean

Laugarrena dute pop pilulek. Aste honetan iragarri dute aurkibidea, ohiko kolaboratzaileen testuez gain beste bost autoreren artikulu, narrazio eta elkarrizketak bildu dituzte. Ohiko duten moduan, alea aurkezteko zenbait ekitaldi egingo dituzte. Oraingo honetan bi izango dira, Bilbon bata eta Urretxun bestea.

Amuak

Bideoa

    Luis Gardek bere lehen nobela aurkeztu berri du Pamiela argitaletxearen eskutik: Ehiztariaren isilaldia. Bertan bi ildo dira nagusi istorioaren eraikuntzan: lehena 1938ko ezkaban kokatua, bigarrena egun kokatua, liburua idazteko prozesua bera nolabait islatzen duena "Ezkaban preso matxinatu talde batek Iruñea ondoko San Kristobak Gotorlekuko ateak ireki ditu. Ihes jendetsua giza ehiza baten hasiera izanen da. Bi iheslari askatasunaren bila dabiltza inguruko haranetan barna. Donemarien berriz, gaur egun, hedapen urriko poemen idazle batek Ezkabako ihesaldiari buruzko nobela bat hastea erabaki du...".

Agenda

Harremanetarako

Oier Guillan & Danele Sarriugarte & Imanol Ubeda
This e-mail address is being protected from spambots. You need JavaScript enabled to view it.

Txioak

Laguntzaileak