Idazle berrientzako beka

XVIII. Igartza Literatura Sorkuntzako Beka iragarri berri dute

Asteartea, 2015-03-10 |
Idazle berrientzako beka

Igartza Beka Sariari esker plazaratu berri du bere lehen eleberria Mikel Ayllonek. Eta bere aurretik, Uxue Alberdik, Garazi Kamiok, Goiatz Labandibarrek edota Danele Sarriugartek. Funtzio hori betetzen du Igartza Beka Sariak. 35 urtetik beherako idazle gazteei zuzendua, parte-hartzaileek gehienez bi liburu izan ditzakete argitaratuak. Igartza Sariak ez ditu bukatutako liburuak saritzen, proiektuak baizik, irabazleak aurkeztutako proiektua gauzatzeko beka bat jasotzen duelarik. 2015eko deialdia egin berri du Beasaingo Udalak. 2015eko ekainean amaituko da egitasmoak aurkezteko epea.

Bueltan dira desertuko biztanleak

Desertuko biztanleei buruzko emankizuna eskainiko dute Bernardo Atxagak eta Anarik Arriaga Antzokian

Ostirala, 2015-03-06 |
Bueltan dira desertuko biztanleak

Iaz Donostiako Literaktum jaialdian egin zuten emanaldiaren estreinaldia, arraskasta handiz. Desertuko biztanleez eta horien inguruko abesti eta irakurraldiez hornitutako emankizuna osatu zuten Bernardo Atxaga idazleak eta Anari Alberdi musikariak. Berriro egingo dute datorren astean, hilaren 11n, Bilboko Arriaga antzokian, iluntzeko 20etan. Sarrerak, nahi izatera, aldez aurretik eros daitezke antzokiaren webgunean, edo, bestela, leihatilan bertan eskura daitezke.

 

Mikel Ayllonek bere estreinako nobela aurkeztu zuen atzo

"Ez tiro egin anbulantziei" du izenburua, eta Igartza bekaren eskutik kaleratu du

Osteguna, 2015-03-05 |
Mikel Ayllonek bere estreinako nobela aurkeztu zuen atzo

Bi tokitan aurkeztu zuen Ayllonek atzo bere estreinako nobela: Ez tiro egin anbulantziei (Elkar, 2015). Igartza sariaren eskutik kaleratu du lana, eta, hortaz, goizean ohiko aurkezpena egin zuen Donostian, eta, arratsaldean, Beasaingo Igartza jauregian izan zen, herriko CAF enpresak, udalak eta Elkar argitaletxeak sustatzen baitute, elkarlanean, Igartza idazle gazteentzako sorkuntza-beka. Ayllonen esanetan, eleberri berezia eta konplexua da, eta lana irakurri nahi duenak arreta handiz ekin beharko dio irakurketari.

Xabier Mendiguren Elizegiren “Amodioaren ziega” estreinatu du Lauka Teatroak

Osteguna, 2015-03-05 |
Xabier Mendiguren Elizegiren “Amodioaren ziega” estreinatu du Lauka Teatroak

ZUBI deialdiko laguntza jaso eta Xabier Mendiguren Elizegiren Amodioaren ziega testua eraman dute taulara. Pasa den astean Leioan estreinatu zuten, Kultur Maratilaren barruan. Asteburu honetan Durangoko San Agustin antzokian taularatuko dute.

Amuak

Bideoa

    Iolanda Zuñigaren Post-it bizitzak (Pasazaite, 2014) liburuaz arituko dira ostegun honetan, martxoak 26, Bermeoko liburutegian. Iñigo Roque Eguzkitzaren hitzak entzungo dituzue ondoko bideoan, Post-it bizitzak liburuaren itzultzailearenak. Eleberriari buruz hitz egiteaz gain, euskaratzerakoan izandako gorabeheren inguruan dihardu.

Agenda

Harremanetarako

Oier Guillan & Danele Sarriugarte & Imanol Ubeda
This e-mail address is being protected from spambots. You need JavaScript enabled to view it.

Txioak

Laguntzaileak