Petri Atarrabiako literatur saria

Kontakizun laburren sariketa XXV. ediziora iritsi da

Asteartea, 2015-06-30 |
Petri Atarrabiako literatur saria

Atarrabiako Udalak antolatzen duen lehiaketa honetan, edonork har dezake parte. Kontakizuna osatzeko gaia librea da, baina horrelakoetan ohikoa den moduan, lanak jatorrizkoa eta argitaragabea beharko du izan. Gehienez ere, idazlan bakarra aurkeztu ahal izango da. Petri Atarrabiakoari eskainitako sariketaren epaimahaian izen handiko idazleak arituko dira: Rosa Regąs, Fernando Marķas, Felipe Juaristi eta José Marķa Romera. Idatziak aurkezteko epea abuztuaren 2an amaituko da.

Xabier Lete Nazioarteko III. Poesia deialdiaren oinarriak

Astelehena, 2015-06-29 |
Xabier Lete Nazioarteko III. Poesia deialdiaren oinarriak

Gipuzkoako Foru Aldundiak Xabier Lete Euskarazko Nazioarteko III. Saria antolatu du. Lanak azaroaren 16a bitarte aurkeztu ahal izango dira. Aurreko edizioetan Karlos Linazasorok eta Luis Gardek jaso dute saria. Jarraian irakurri ditzakezue oinarriak osorik.

Celosamente gordetako agur bat

Uhinak utziko ditu Hala Bedi Irratiko saio beteranoak

Ostirala, 2015-06-26 |
Celosamente gordetako agur bat

Zortzi urtez, igandero, sintonia luze bat entzuten zuen irratira itsatsita zegoenak, musika barea eta hitzak tartekatuta: hau atzo ere gertatu zen. Gaizka Amondarain eta Manex Agirreren Celosamente Gordea irratsaioa zen, musika eta literatura uztartzeko eta mundutik apur bat aparte tarte bat eskaintzeko asmoarekin sortu irratasaioa. Tarteka izaten zituzten laguntzaileak ere, Nor dugun guarda atalean, eta aurtengo Literaturian ikuskizuna aurkeztu dute hainbat kolaboratzailerekin batera: Wino i Krew.

Unai Elorriaga, "Irakurrieran" irratsaioko elkarrizketarik berriena

Osteguna, 2015-06-25 |
Unai Elorriaga,

Unai Elorriagarekin Iazko hezurrak (Susa) nobelaz mintzatu dira luze eta sakon Irakurrieran irratsaioan. Ordubeteko 250 saio bete ditu irratsaioak, azken zazpi urteotan euskaraz argitaratutako liburuen isla zuzena.  Gotzon Barandiaranek eta Edorta Jimenezek gidatzen dute hasieratik Irakurrieran, Euskal Idazleen Elkarteak bultzatua Bizkaia Irratiaren kolaborazioarekin.

Amuak

Bideoa

    Mikel Antzaren Ametsak ere zain liburuan oinarritutako errezitaldiak bi plaza ezagutuko ditu uztailean: 2an Zarauzko musika plazan, 9an Ziburuko Maitenia tabernan. Hemen emanaldiaren zati bat ikus dezakezue.

Agenda

Harremanetarako

Oier Guillan & Danele Sarriugarte & Imanol Ubeda
This e-mail address is being protected from spambots. You need JavaScript enabled to view it.

Txioak

Laguntzaileak