Cafe Bar Bilbao-n saritutako testuak sarean irakurgai

Asteartea, 2016-02-09 |
Cafe Bar Bilbao-n saritutako testuak sarean irakurgai

Pasa den astean banatu zituzten 2015eko Cafe Bar Bilbao antzerki laburreko sariak. Arantxa Iturbek irabazi zuen euskaraz, Mikel Fernandino eta Imanol Ituņok gaztelerazkoan. Saria sortu zenetik antolatzaileek ohi duten legez, sarean jarri dituzte osorik irakurgai.

Sekula gehiago egingo ez dudan gauza ustez dibertigarri bat

David Foster Wallacen kronika liburua argitaratu du Pasazaitek

Astelehena, 2016-02-08 |
Sekula gehiago egingo ez dudan gauza ustez dibertigarri bat

Pasazaite argitaletxeak liburu berri bat argitaratu du: Sekula gehiago egingo ez dudan gauza ustez dibertigarri bat, David Foster Wallace idazle estatubatuarrarena. Danele Sarriugartek euskaratu du. Pasa den astean aurkeztu zuten lana, Donostiako Garoa liburu-dendan, itzultzaileak berak eta Harkaitz Cano idazleak. Kronika oso subjektibo gisa definitu zuten Wallacen lana, biek ala biek. Wallace-n liburu honek abiapuntua ematen dio Pasazaiteren bilduma berriari.

Mikel Peruarena Ansa: "Aurreneko aldia da nire testu bat horrela itzultzen dutena, jendaurrean emateko"

Su zelaiak nobelako pasarteak irakurriko dituzte igandean Berlinen

Ostirala, 2016-02-05 |
Mikel Peruarena Ansa:

Datorren igandean, Su zelaiak (Susa, 2014) nobela hartuko dute hizpide Berlingo museo etnologikoan. Lourdes Izagirrek liburuaren pasarte batzuk itzuli ditu alemanera eta "Lourdesek berak aurkitu zituen gerra garaiko euskal preso batzuei grabatutako kantu eta bertso batzuk ere emango ditugu igandeko ekitaldian", Mikel Peruarena Ansak adierazi digunez.

Mende laurdena poltsiko antzerkia eskaintzen

Poltsiko Antzerkiaren Jaialdia egingo dute Donostian

Osteguna, 2016-02-04 |
Mende laurdena poltsiko antzerkia eskaintzen

25 urte daramatza Poltsiko Antzerkiaren ekimenak martxan, azkenaldi luzean Donostia Kulturak sustatuta. Aurten ere hamaika antzezlan ikusteko aukera izango da, hiriko txoko eta taberna askotan, auzo ia denetara iritsiz, Aietetik hasita Intxaurrondoraino. Antolatzaileen esanetan horixe da ekimenaren alderdi aberasgarrienetako bat, normalean antzerkira joaten ez den jendea xaxatzea, eta hiriko hainbat auzotara iristea.  Otsailaren 11tik 29ra egingo dute aurtengo jaialdia, eta euskarazko bost obra eskainiko dituzte.

Amuak

Bideoa

    Donostiako Ilustratzaileen Txokora hurbiltzen bazarete, Asun Balzolaren erakusketa topatuko duzue. Urriaz geroztik, bere hainbat obra daude ikusgai: liburuetako ilustrazio originalak, fotolitoak, zirriborroak, storyboard-ak, testuak, diapositibak, seiluak, postalak, bere objektu kutunak, eta abar.

    Hurbildu nahi duenak baina, arin ibili beharko du. Erakusketa bisitatzeko epea otsailaren 21ean amaituko baita. Asun Balzola (1942-2006) euskal ilustrazioak eman duen artista emankorrenetakoa da. Erakusketaren karietara, bideo hau eskegi zuten Donostia Kulturaren web orrian. Elena Oregi Donostiako Liburutegi Nagusiko haur saileko arduradunak Mariasun Landa idazleari egindako elkarrizketa duzue. Asun Balzolaren bizitzaz eta obraz mintzo dira biak.

Agenda

Harremanetarako

Oier Guillan & Danele Sarriugarte & Imanol Ubeda
This e-mail address is being protected from spambots. You need JavaScript enabled to view it.

Txioak

Laguntzaileak