Xerezade Artxiboaren jaia, hirugarrenez

Maiatzaren 8an egingo dute, Bilboko Hika Ateneoan

Ostirala, 2015-04-24 |
Xerezade Artxiboaren jaia, hirugarrenez

Lau urte daramatza martxan Xerezaderen artxiboa literatur podcastak, entzuteko literatura ardatz. Jasone Larrinaga eta Ana I. Morales itzultzaileen proiektu kuttuna dugu, mimoz aukeratzen eta argitaratzen baitituzte ahoz gora irakurritako kontakizun eta ipuinak. Besteak beste, Franz Kafkaren, G. K. Chestertonen eta Kate Chopinen aleak paratu dituzte entzungai. Beren ibilbidea ospatzeko jaia antolatu dute Bilbon, hirugarren aldiz.

“Arren ganbara eta emeen sotoa” ikusteko aukera Azpeitian

Asteazkena, 2015-04-22 |
“Arren ganbara eta emeen sotoa” ikusteko aukera Azpeitian

Plaza ugaritan eskaini ostean, Atx Teatroak Arren ganbara eta emeen sotoa antzezlana eskainiko du ostiral honetan 21:30ean Azpeitiako Soreasu antzokian. Kontratazioaren aukera zabalik badituzte ere, oraingoz hau izango da ikusteko azken aukera.

 

Kalean da Maiatz-60 aldizkaria

Asteartea, 2015-04-21 |
Kalean da Maiatz-60 aldizkaria

Apirilean zabaldu berri du Maiatz-ek izen bereko aldizkariaren 60. alea. Ohiko moduan, kronika, poema, narrazio eta albisteetan, ahots anitz.

Donostiako autoedizio topaketan parte hartzeko deialdia zabalik

Dabadaba aretoan egingo dute, ekainaren 14an

Astelehena, 2015-04-20 |
Donostiako autoedizio topaketan parte hartzeko deialdia zabalik

Guillotina du izena festak eta iaz egin zuten estreinakoz. Argitaletxe txikientzat eta fantzine-egileentzat txoko bat sortzeko asmoarekin jarri zuten martxan Mikel, Paula eta Maite Donostia eta Iruñeko marrazkilariek. Festa-kutsua dario topaketa honi, eta fantzineak eta arte-liburuak erakutsi ez ezik, kontzertuak, haurrentzako eta bestelako ekitaldiak ere egingo dituzte. Lehenengo edizioak arrakasta handia izan zuen, hogeitik gora talde eta agerkarik hartu zuten parte.

Irudia: Guillotina

Amuak

Bideoa

    Mikel Ayllonek bere estreianko eleberria aurkeztu du, Elkar etxearen eskutik: Ez tiro egin anbulantziei. Igartza bekari esker burutu du lana. Ayllonen esanetan, eleberri berezia eta konplexua da, eta lana irakurri nahi duenak arreta handiz ekin beharko dio irakurketari. "Ez tiro egin anbulantziei" eleberria gizarte distopiko batean kokatzen da, ez-leku eta ez-denbora batean. Garaiaren deskribapenari garrantzia berezia eman dio Ayllonek. Garai zaharrekikoa eginda dagoela dirudienean, artean ez da mundu berririk etorri, eta hortxe bizi dira eleberriko pertsonaiak. Antonio Gramsci pentsalari italiarraren aipu bat ipini du liburuaren hasieran, eta, hain zuzen ere, aipu horrek ondo islatzen du garai nahasiekiko abiapuntua, esaten baitu, mundu berria hil delarik eta berria oraindik jaiotzeke dagoela, argi-ilun horretan jaiotzen direla munstroak.

Agenda

Harremanetarako

Oier Guillan & Danele Sarriugarte & Imanol Ubeda
This e-mail address is being protected from spambots. You need JavaScript enabled to view it.

Txioak

Laguntzaileak