"Beti da ederra irakurleak zure lanarekin gozatu duela pentsatzea"

Odei Arregik irabazi du II. Karmele Igartua Beka Saria

Osteguna, 2012-07-12 |

Epaimahaiak honela definitu zuen Odei Arregiren poesia: "argia, zehatza da; eta bere poemetan oso begiratu pertsonala islatzen da". Trukean, Odei Arregik 600 euro jasoko ditu eta Egan aldizkariaren urtebeteko harpidetza. Sari banaketa ekitaldian Idazle Eskolako hainbat lagun elkartu ziren. Besteak beste, joan den urteko irabazlea, Ione Gorostartzu. Argazkian ageri den moduan, sari banaketa ekitaldian hainbat poema errezitatu zituen Ionek; Irene Gil, Itziar Gomez, Idoia Gereñu eta Maria Uriarterekin batera. Hitzen Uberan, Odei Arregirekin aritu gara solasean.

 

`Hemen eme´ izeneko poema-bildumarekin irabazi duzu Karmele Igartua Sorkuntza-Beka. Zure lana horrela nabarmendu izana, zer suposatu du zuretzat?

Beti da ederra irakurleak zure lanarekin gozatu duela pentsatzea, baina normalean oso gutxitan izaten da hori jakiteko aukera. Beka edo lehiaketa batera aurkezten zarenean, badakizu zure poemak edo ipuinak lupaz begiratuko dituztela eta inspekzio horretatik airoso ateratzea beti da emozionantea eta pozgarria.

`Hemen eme´ izenburua duen poemarioak, genero aldetik aldarrikapen bat du bere baitan, ezta? Zer aurkituko du irakurleak poema hauetan?

Ez zen nire intentzioa inongo aldarrikapenik egitea, baina baliteke irakurtzerakoan  hori agertzea.

Ez dira emakumeei zuzendutako poemak, baina bai emakume batek idatziak, ez dira feministak baina bai femeninoak; ez dut emetasuna bilatu, neu emakumea izanik neurekin dagoelako. Zuzenak dira eta indartsuak direla pentsatu nahiko nuke, baina hori esan dezala irakurtzen dituenak.

Sorkuntza-beka denez, aurkeztu duzuna lagin modukoa da eta gerora poema gehiago aurkeztuko beharko dituzu akaso?

Aurkeztu dudana lagin bat da, eta besterik aurkeztera behartuta ez nagoen arren, lagin horrekin lanean jarraitzeko intentzioa daukat. Denborak esango du zertan bukatuko duen poema sortatxo honek.

Iruzkinak (0)

Iruzkina idatzi

Bideoa

    2014ko literatura uztak eman duenaz solastu zuten aurreko larunbatean ETB1eko Sautrela saioan. Horretarako, ohiko oholtza utzi eta mahai-inguru baten bueltan bildu ziren Hasier Etxeberria saioaren aurkezlea, Jasone Osoro EIEko lehendakaria eta idazlea, Juan Luis Zabala Berriako kazetaria eta Beñat Sarasola Sautrelako kolaboratzailea. Ordu erdiz, urteak eman dituen liburu aipagarrienak hartu zituzten ahotan, eta, halaber, aurreko urtean euskal literaturaren joerak norantz egin duten aztertu zuten. Oro har, baikor aritu ziren hizlariak.

Agenda

Harremanetarako

Oier Guillan & Danele Sarriugarte & Imanol Ubeda
This e-mail address is being protected from spambots. You need JavaScript enabled to view it.

Txioak

Laguntzaileak