Fikzio historikoa eta historiaren fikzioa hizpide Iruñean

Ostegun honetan, Jose Javier Abasolo eta Aingeru Epaltzaren eskutik

Asteazkena, 2015-01-28 |
Fikzio historikoa eta historiaren fikzioa hizpide Iruñean

Literaturaz, Nafarroako historiaz, fikzioaz. Horiek izango dira Aingeru Epaltza eta José Javier Abasolo idazleek hartuko dituzten hizpide nagusiak. Elkarrek Iruñeko Comedias kalean duen dendan egingo da solasaldia, eta Angel Erro arituko da gidari lanetan. Elkarretik aditzera eman digutenez, “Nafarroako historiari buelta bat eman nahi diote: non egongo ginateke gaur egun Nafarroa oraindik erresuma bat balitz?”.

Sarrionandiaren itsasoa, 'Hitzez eta Ahotsez'

Eider Rodriguezen hitzaldiarekin abiatuko da Durangoko zikloa

Asteartea, 2015-01-27 |
Sarrionandiaren itsasoa, 'Hitzez eta Ahotsez'

Sarri, Hitzez eta Ahotsez ekimenak jarraipena izango du. Iaz abiatu zen eta Joseba Sarrionandiaren literaturari buruzko jardunaldiak harrera beroa izan zuen. Ekimena Durangaldeko hainbat kulturgilerena izan zen, eta solasaldi eta errezitaldi ezberdinak antolatu zituzten. Bigarren edizioa gaur hasiko da, Eider Rodriguezen hitzaldi batekin.

Gabriel Aresti Ipuin Lehiaketa

Lanak aurkezteko epea martxoaren 31n amaituko da

Asteartea, 2015-01-27 |
Gabriel Aresti Ipuin Lehiaketa

Martxan da Gabriel Aresti Ipuin Lehiaketaren XXXI. edizioa. Bilboko Udalak antolatzen duen sariketa honetan modalitate bi daude aukeran: euskarazkoa eta gaztelaniazkoa. 3.500 euro gordineko sari bana eta 1.750 euro gordineko accesit bina banatuko dira. Lanen luzera gehienez hamabost orrikoa izango da, DIN A-4 motako orrietan idatziak. Iaz, euskarazkoan, Ekaitz Goikoetxea izan zen saritua. Olatuak hausten diren lekuan izeneko ipuinarekin nagusitu zen. Horrez gain, epaimahaiak ematen dituen accesit-etako bat ere berarentzat izan zen, Zorionak izeneko ipuinarengatik. "Bi testu aurkeztu nituen, eta biak saritu. Sinestea ere kosta egiten da", hala aitortu zigun Ekaitz Goienetxeak Hitzen Uberan izan genuen solasaldian. 

E-rakurleak proiektua gidatuko du Goiatz Labandibarrek

Astelehena, 2015-01-26 |
E-rakurleak proiektua gidatuko du Goiatz Labandibarrek

Donostia Kulturak eta Euskal Idazleen Elkarteak  E-rakurleak liburu digitalen irakurketa taldea sortu dute elkarlanean. Goiatz Labandibar idazleak gidatuko ditu internet bidez egingo diren saioak, albiste honetan azaldu dizkigu proiektuaren nondik norakoak.

Amuak

Bideoa

    2014ko literatura uztak eman duenaz solastu zuten aurreko larunbatean ETB1eko Sautrela saioan. Horretarako, ohiko oholtza utzi eta mahai-inguru baten bueltan bildu ziren Hasier Etxeberria saioaren aurkezlea, Jasone Osoro EIEko lehendakaria eta idazlea, Juan Luis Zabala Berriako kazetaria eta Beñat Sarasola Sautrelako kolaboratzailea. Ordu erdiz, urteak eman dituen liburu aipagarrienak hartu zituzten ahotan, eta, halaber, aurreko urtean euskal literaturaren joerak norantz egin duten aztertu zuten. Oro har, baikor aritu ziren hizlariak.

Agenda

Harremanetarako

Oier Guillan & Danele Sarriugarte & Imanol Ubeda
This e-mail address is being protected from spambots. You need JavaScript enabled to view it.

Txioak

Laguntzaileak