Irakurle klub berri bat osatu da Donostian

Lander Garro, Danele Sarriugarte eta Mikel Peruarena, lehen gonbidatuak

Astelehena, 2014-09-15 |
Irakurle klub berri bat osatu da Donostian

Paperezko Lagunak. Hala du izena Donostiako Garoa liburu dendaren baitan osatu den irakurle taldeak. Egitasmoak baina, Zarautzen du iturburu: "irakurle taldea orain bi-hiru urte inguru jarri genuen martxan Zarauzko Garoa liburu dendan. Jon Benito idazleari esker sortu zen, berak animatuta, eta bera izan zen gidaria lehen ikasturtean. Bigarren ikasturtea Alex Gurrutxagak zuzendu zuen eta hirugarrena ere berak zuzenduko du", Imanol Agirrek aditzera eman digunez. Donostian zabaldu dute bigarren denda bat Garoako kideek, Gros auzoko Zabaleta kalean. Eta denda zabaltzearekin batera, irakurle talde berri bat osatu dute Donostian.

Alex Tello, Topa Eszenikako antolatzailea: "Gure arteko elkar ezagutzarako lagungarria izango da"

Euskarazko antzerkiaren dokumentazio zentroa izango dute gaur hizpide

Osteguna, 2014-09-11 |
Alex Tello, Topa Eszenikako antolatzailea:

Atzo hasi zen Topa Eszenikaren seigarren edizioa, antzerki sortzaileen inguruko mahainguru batekin. Lehen ediziotik hona, Usurbil da topaketa honen topaleku nagusi. Eta Sutegiko auditorioa, puri-purian diren hainbat antzezlanen aterpe. Baina hausnarketarako ere denbora hartu ohi da Topa Eszenikan. Gaur, esate baterako, euskarazko antzerkiaren dokumentazio zentroaren inguruko gogoeta egingo dute. Antzerki Ekintza taldeak koordinatzen du egitaraua eta Alex Tello da lehen ediziotik hona antolaketan burubelarri ari dena. "Topa egin da, egiten da eta egingo da, Usurbilgo Udalak lagunduta. Udalaren babesak profesionalak ekartzen laguntzen du. Kalitatea ekarriko dugu eta kalitateak bere katxea du. Aurten Usurbilen, helduentzako areto antzerkiekin, programaketa on bat egon da".

Jokin Mitxelenaren erakusketaz gozatzeko azken egunak

Aiete Kultur Etxeko Ilustratzaileen Txokoan topatuko dituzue bere lanak

Osteguna, 2014-09-11 |
Jokin Mitxelenaren erakusketaz gozatzeko azken egunak

Jokin Mitxelenaren erakusketa Aiete Kultur Etxeko Ilustratzailearen Txokoan topatuko duzue. Baina adi, bere lanaz gozatzeko azken egunak baitira hauek. Euskarazko Haur eta Gazte Literaturan liburu gehien ilustratu dituen egileetako bat da Mitxelena eta lan horren isla da Aiete Kultur Etxeko "armairuan" ikusgai dagoena. Igande honetan, irailak 14, amaituko da erakusketa.

Iņigo Roque Eguzkitzaren liburu gomendioa

Pier Paolo Pasoliniren Le ceneri di Gramsci (1957) proposatu digu

Asteazkena, 2014-09-10 |
Iņigo Roque Eguzkitzaren liburu gomendioa

Itzultzaile gisa nabarmendu da azkenaldian. 2012an, Fernando Pessoaren Poemak pluralean antologia modukoa argitaratu zuen Denonartean etxearekin. Geroztik, Antonio Lobo Antunesen Gauzen ordena naturala (Literatura Unibertsala), F. Scott Fitzgeralden Plazeraren gau ilunekoak (Elkar) ipuin-antologia (Garazi Arrularekin batera) eta Iolanda Zuņigaren Post-it bizitzak (Pasazaite) liburuak ekarri ditu euskarara. Honakoan, gomendio eske jo dugu Iņigorengana. eta Pier Paolo Pasoliniren lan hau aukeratu du: Le ceneri di Gramsci (1957). "Aberri teluriko bat marrazten digu, oso lurtarra, gorespenik gabea, izerdiz eta bulko sentsualez ttittatua".

Amuak

Bideoa

    Kronika da hasieran, eta bukaeran nobela (...), liburuaren atmosfera autobiografikoa da... Nevadako egunak (Pamiela) liburuaren kontrazalean irakurriko dituzue hitzok.  150 zatiz osatzen da Bernardo Atxagaren liburu berria. Modu kronologikoan emanak. Pieza horietan badira behin eta berriro errepikatzen diren elementuak.  Nevadako egunak (Pamiela) hizpide izango da egunotan, hainbat irakurle klubetan. Irailaren 9an Zumaian, eta irailaren 16an Las Karrerasen.

Agenda

Harremanetarako

Oier Guillan & Imanol Ubeda
This e-mail address is being protected from spambots. You need JavaScript enabled to view it.

Txioak

Laguntzaileak