Otsailean kaleratu zuen Nick Cavek Push the Sky Away diska berria, Bad Seeds taldekideekin bat. Grinderman bezalako esperientzien ostean leun, bare, sarkor datoz doinu berriak, Warren Ellis taldekidearen ezinbesteko ekarpena lagun. Amuak atalera ekarri ditugu oraingoan.

Maite Toledok Hemen poesia liburua kaleratu berri du Beta argitaletxearen eskutik. Jarraian topatuko dituzue hiru poema, lagin gisa.

Maiatz aldizkariaren 56. alea aurkeztu zuten Baionan Maiatz solasaldien egitarauaren barruan. Ohiko moduan, testuen eskaintza anitza topatzen ahal da orriotan: poemak, narrazioak, itzulpenak, gogoetak, kritika eta albiste laburrak.

Literatura Unibertsala bildumaren bi erreferentzia berri aurkeztuko dira aste honetan. Mercè Rodoredaren ‘Ispilu hautsia’ (Antton Olano Irurtiak itzulia) eta António Lobo Antunesen ‘Gauzen orden naturala’ (Iñigo Roque Eguzkitzak itzulia). Bi liburu hauen aurkezpen-ekitaldia datorren asteazkenean egingo da, Maiatzak 22, eguerdiko 12:00etan Donostiako Udal Liburutegiko sotoan.