E-rakurleak proiektua gidatuko du Goiatz Labandibarrek

Astelehena, 2015-01-26 |
E-rakurleak proiektua gidatuko du Goiatz Labandibarrek

Donostia Kulturak eta Euskal Idazleen Elkarteak  E-rakurleak liburu digitalen irakurketa taldea sortu dute elkarlanean. Goiatz Labandibar idazleak gidatuko ditu internet bidez egingo diren saioak, albiste honetan azaldu dizkigu proiektuaren nondik norakoak.

Ulyssesen itzulpenei buruzko saioa, bihar, Literatura Eskolan

XABIER OLARRAK GIDATUKO DU, BILBOKO ALONDEGIAN

Ostirala, 2015-01-23 |
Ulyssesen itzulpenei buruzko saioa, bihar, Literatura Eskolan

Bihar egingo dute Literatura Eskolakoek urtarrileko saioa, eta, oraingoan itzulpena izango dute ardatz, itzultzaile eta editore baten eskutik. Xabier Olarra mintzatuko da James Joyce idazle irlandarrari buruz, eta horren obrarik ospetsuena itzultzeko buruhausteei buruz. Euskarari falta zaizkionak aipatzean sarri azaltzen den izena dugu-eta Ulises, XX. mendeko nobelagintzan mugarri, modernismoaren ikur eta kanon baten ezarle. Olarrak zenbait urte daramatza Ulises euskaratzen buru-belarri, eta dirudienez testua amaitua du. Hala ere, zuzentzea falta da orain, lan inportantea, alajaina.

"Kapital publikoa", aste honetan Iruñean eta Oreretan

Asteazkena, 2015-01-21 |

Jose Luis Otamendik Kapital publikoa liburuan oinarritutako errezitaldi bana eskainiko du aste honetan, Iruñean eta Errenteria/Oreretan. Jarraian topatuko duzue hitzorduon berri, eta hainbat esteka. (Argazkia: Berria).

Aritz Gorrotxategiren liburu gomendioa

Felipe Juaristiren Airezko emakumeak (Erein, 2003) liburua hautatu du

Asteazkena, 2015-01-21 |
Aritz Gorrotxategiren liburu gomendioa

Poesia, nobela, narrazioa, kronika... Estilo guztietan aritu den idazlea da Aritz Gorrotxategi. Itzultzaile lanetan ere aritu da azken aldian. Orain urtebete, J.M. Coetzeeren Jesusen haurtzaroa (Meetok) nobela ekarri zuen euskarara Aritz Gorrotxategik, eta Lev Tolstoiren Zer da artea? (Meetok) liburua itzuli zuen hilabete batzuk lehenago. Liburu asko zituen aukeran, eta Felipe Juaristiren hauxe da hautatu duena: Airezko emakumeak (Erein, 2013).

Amuak

Bideoa

    2014ko literatura uztak eman duenaz solastu zuten aurreko larunbatean ETB1eko Sautrela saioan. Horretarako, ohiko oholtza utzi eta mahai-inguru baten bueltan bildu ziren Hasier Etxeberria saioaren aurkezlea, Jasone Osoro EIEko lehendakaria eta idazlea, Juan Luis Zabala Berriako kazetaria eta Beñat Sarasola Sautrelako kolaboratzailea. Ordu erdiz, urteak eman dituen liburu aipagarrienak hartu zituzten ahotan, eta, halaber, aurreko urtean euskal literaturaren joerak norantz egin duten aztertu zuten. Oro har, baikor aritu ziren hizlariak.

Harremanetarako

Oier Guillan & Danele Sarriugarte & Imanol Ubeda
This e-mail address is being protected from spambots. You need JavaScript enabled to view it.

Txioak

Laguntzaileak