Eric Dicharry-k Hormatik hormaraino liburua kaleratu berri dui Maiatz argitaldariaren eskutik. Poesia dela esan genezake, baina berak nahiago du 'slam'. Elkarrizketan zehar balizko titularrak oparitu dizkigu, bata bestearen atzetik.

Mendi-bide batean agertu da Joseba Orbe idazlearen gorpua. Modu basatian erail dute eta zeresan handia piztuko da berehala. Bere ingurukoen artean eta baita hedabideetan ere. Iñaki Irasizabalen nobela berriaren trama nagusia hori da. Ez bakarra. Hari gehiago badira eta, hari horien atzean, zer pentsatua ematen duten jarrerak eta pertsonaiak topatuko ditu irakurleak. Nobela beltzaren oinarriei jarraitzen die Orbe auziaren ingurukoak (Elkar 2012) izeneko liburuak. Iñaki Irasizabal idazle bizkaitarraren ustez, estilo honetako liburuak "irakurterrazak dira eta, aldi berean, gauza sakonez hitz egiteko aukera ematen dute".

'Egileak editore direnean' erreportajea osatzeko hiru lagunei egin dizkiegu elkarrizketak: Andoni Salamero, Ibai Mendinueta eta Imanol Epelde. Hemen irakurri ditzakezue osorik.

`des egiten´ (Elkar 2012) aritu dela esatera etorri da Ione Gorostarzu (Berastegi, 1984). Izenburuak ondo baino hobeto laburbiltzen du poetak, bere lehen liburuan, izan duen erronka. "Idaztea bera ere bada des egitea. Emaitzaren mesedetan, askotan, egiten jarraitzeko asko des egin behar duzu", hala aitortu digu hitzen uberan izan dugun solasaldian. Baina des egindako zati horiek ere, liburuaren zati dira. "Bidean geratu behar izan dute hitz, esaldi, poema askok... baina haiek beharrezkoak izan dira egiteko, biziraun dutenen bidelagun izan dira". Azken batean, Hitzek egiten gaituzte / esandakoek / esan gabekoek -migarrienak- / eta isildu gabekoek -lotsagarrienak-.

Iñigo Astizek Baita hondakinak ere poesia liburua kaleratu du Susa argitaletxearen eskutik. Euskal Herria edota belaunaldien arteko harremanei buruzko gogoeta mamitsuekin batera topatuko ditu irakurleak hozkailuek, aurikularrek eta irakurritako liburuek osatutako eguneroko mundu harrigarriak.

Itzultzaileek ez dute behar adina arretarik jasotzen. Hala uste du Danele Sarriugartek. "Literatura itzultzen baduzu, agian, zorte apur batekin, botako dizkizute zenbait lore, baina itzultzaile dabiltzanen gehiengoa beste testu praktikoagoekin ari da eta hor bai ez dela txintik esaten". Itzulpenaren existentzia bera ikusezina dela aitortzeraino. "Gure gremioa ikusgarriago bihurtzearen aldeko borrokari eutsiko diogu, apurka hobetzen joango denaren menturan". Borroka horretan, Elearazi blog-a jarri dute martxan Danelek berak eta Garazi Arrulak. Aurkezpen moduko idatzian diotenez, "itzulpena, hausnarketa eta sorkuntza izanen ditugu ardatz". Interesgarri iruditu zaigu bi itzultzaile hauen ekimena eta, hitzen uberan gauden honetan, euren adierazpenak jaso nahi izan ditugu honoko elkarrizketan.

Urtzi Urkizuk (Lezo, 1975) bere bigarren poesia liburua kaleratu du Maiatz argitaldariaren eskutik. Gaur bertan errezitaldi bidez aurkeztu du Errenteria/Oreretako Mikelazulo kultur elkartean. Elkarrizketa honekin batera ikus ditzakezue emanaldian proiektatu diren bideoak.

Aitor Albistur (Errenteria/Orereta, 1976) bertsolaritzan murgildua ezagutu dugu, ARGIAn kolaboratzaile, hitzekin lanean sarri. Bere poemak eta bertsoak jaso ditu berriki Bermingham argitaletxeak, Iparragirre saria jaso ostean: Sonetozko taupadak poesiaren arloan, Hiltzera kondenatua bertso-paper lehiaketan. HEMEN irakurri dezakezue osorik.

"Beti esan dut norberak bere burua pertsona arrunt moduan ikusten duela; eta noski, inguruko zenbait dituela arrotz, edo normaltasunetik kanpo baleude bezala. Baina hori ezin al daiteke alderantziz izan? Beharbada gu geu gara arraroak besteen begi arruntetan". Garazi Kamioren hitzak dira. Liburuari ekin aurretik, argigarri izan daitezkeenak. Eguneroko kontuak, ustez txikikeriak direnak, hartu ditu mintzagai. Eta gaur egungo pertsonaiak, ustez gu bezain normalak direnak, gorpuztu ditu istorio horien bueltan. Igartza Beka Saria eskuratu zuen duela bi urte. Eta sari hori izan zen `Beste norbaiten zapatak´ (Elkar 2012) liburuko zortzi ipuinen pizgarri nagusi. Hitzen Uberan izan dugun solasaldia jaso dugu lerrootan.

Jon Gerediagak hirugarren poesia liburua kaleratu berri du Pamiela argitaletxearen eskutik: Zentauro-hankak. Maitasuna da liburuaren ardatza, topikoetatik urruntzen den modu propio eta berezian eskainia.