Antton Lukurekin solasean

"Libertitzeaz" liburuaz mintzatu ginen Eztena jaialdiaren testuinguruan

Ostirala, 2014-06-27
Antton Lukurekin solasean

Eztena teatro eta dantza jaialdian aurkeztu berri du Antton Lukuk Libertitzeaz (Pamiela, 2014) liburua, solasaldi moduan. Askorako eman zuen berbaldiak, eta askoz gehiagorako eman zezakeen. Zertzelada batzuk jaso ditugu Hitzen Uberanen.

Unai Baztarrikari elkarrizketa

Bere lehen poema liburua plazaratu du: Ezinbestean (Erein)

Ostirala, 2014-06-20
Unai Baztarrikari elkarrizketa

Blas de Otero - Bilbo Uria Nazioarteko VI. Poesia Lehiaketa irabazi zuen iaz. Sariketara aurkeztu zituen poemak dira bere lehen liburu honetan batu dituenak. Argitaratzeko garaia goizegi  iritsi zitzaiola pentsatu zuen hasiera batean, "heldu gabeko sortzailea ikusten baitut nire burua". Hala aitortu digu Hitzen Uberan izan dugun solasaldian. "Sortzea bezain garrantzitsua baita norbere lanaren ikuspegi kritiko bat lantzen jakitea eta onartu behar dut bulkada eta intuizioz egiten dudala egiten dudana. Baina uste dut freskotasun eta bat-batekotasun hori garrantzitsua dela maite dudan poesia egiteko bidean, zuzena eta benetakotasuna bilatzen duena". Erein argitaletxean katalogoan aurkituko duzue Ezinbestean, Unai Baztarrikaren lehen poesia liburua.

Jule Goikoetxearekin solasean

Gatazka ezinbestekoa da. Horregatik gustatzen zait niri borroka

Ostirala, 2014-06-13
Jule Goikoetxearekin solasean

Jule Goikoetxeak Tractatus poesia liburua plazaratu du, Susa Argitaletxearen eskutik. Gorputzaren ertzetan hasten diren gizarte-jarrerei “disidentzia” eta “transgresioa” bezalako hitzak zintzilikatu dizkio poema hauetan, ironia handiz.

Iñigo Aranbarriri elkarrizketa

"Idazlea nobelarekin dago zorretan, ez berreraikitze historikoarekin"

Ostirala, 2014-06-06
Iñigo Aranbarriri elkarrizketa

“Esteban Alberdi protagonistak lana galdu du, aldentzen ari zaio familia, eta durduzatuta dabil. Baina oraindik gehiago okertuko da bere egoera. Gau batean, kaskarrean kolpe handia hartuta aurkituko dute kale bazterrean. Eldarnio betean, denboraren putzuan barneratuko da, bi mende eta erdiko jauzian: Azkoitian ikusten du bere burua 1766ko apirilean, gariaren eta artoaren prezioa garestitu dutenean eta herritarrak matxinatu egin direnean. Krisia, langabezia, errebolta, errepresioa, hondamena dira kontakizunaren ardatzak, jirabiran mugitzen dituztenak iragana eta Etorkizuna”. Hori irakurri daiteke Apirila (Susa) nobelaren kontrazalean. Baina idazlea haratago doa: “Askotan dena plano sozial hutsean uzteko joera dugu, baina plano sozialak koste pertsonal ikaragarria dauka, maila intimoan eta afektiboan, eta hori ere nahi nuen azaldu”.

Felipe Juaristirekin solasean

Poesia urgentziazko kontu bat da, horrek salbatuko du segur aski.

Ostirala, 2014-05-30
Felipe Juaristirekin solasean

“Gorputzak so egiten munduari, badoan arratsaldeak bezala” dio Felipe Juaristik Piztutako etxea  (Erein) liburuko poema batean. Horrelaxe idatzi du liburua, gorputzean sentituz bizitzaren aztarnak; distantziatik munduari, bere munduari, so; poesiaren argia bilatuz.

Danele Sarriugarteri elkarrizketa

Zeresana ematen ari da bere lehen nobela: Erraiak (Elkar)

Ostirala, 2014-05-23
Danele Sarriugarteri elkarrizketa

“...Ez zaigu iruditu oharkabean pasako den liburu bat denik. Uste dugu zerbait datorrela hemen...”. Erraiak (Elkar) nobela amaitu berritan, Sautrela telebista saioko esatariaren hitz horiek etorri zaizkigu burura. Eta jakinminez jo dugu Danele Sarriugarte idazlearengana. Nobelan zehar, ugariak dira erreferentzia musikalak, literarioak eta zinematografikoak. “Agertzen diren idazle, musikari eta filmeen inguruko erreferentziak gustukoak ditut eta gehienak sakonean ezagutzen ditut, baina ez daude denak. Ez dut nire erreferentzia guztien mapa bat egin nahi izan”, Hitzen Uberan egin diogun elkarrizketan adierazi digunez.

Mikel Etxabururekin solasean

Niretzat poesia kontatzeko eta kantatzekoa da

Ostirala, 2014-05-16
Mikel Etxabururekin solasean

Bigarren poesia liburu plazaratu du Mikel Etxaburuk: Hodeiak Zapatetan, Susa argitaletxearen eskutik. Zu zara orain txoria (Elkar, 2011) estreinakoan bezala kartzelaz mintzo zaigu poeta, garden eta gordin, itxaropenerako grinari atea zarratu gabe. Keu Agerretxea lagun aurkeztu du zuzenean.

Juan Ramon Makusori elkarrizketa

Hitzak argi (Pamiela) poesia liburua plazaratu berri du

Ostirala, 2014-05-09
Juan Ramon Makusori elkarrizketa

"Hitzak dena biltzen du, maindire batek bezala", halaxe adierazi digu Juan Ramon Makusok. "Gizakiok, errealitatea interpretatzen dugu, berarekin harremanetan jartzen gara hitzaren bitartez. Ni eta errealitatearen artean hitza bitarteko bat da. Eta hitzen bitartez saiatzen gara aurrean daukagun hori, azaltzen. Bai eta hitzen bitartez azaldu ezin dena. Eta hemen poesiaren lekua ikusten dut nik. Barnekoa, esan ezin den hori". Hitzak argi  liburua plazaratu berri du Pamiela argitaletxearekin eta poesiaz eta bere azken liburuaz aritu gara solasean Errenteriako idazlearekin.

Etxepare Rap, oholtzara

Imanol Epelderekin mintzatu gara euskal literaturako klasikoak rap doinuen erritmora plazaratu dituen proiektuaz

Asteartea, 2014-04-29
Etxepare Rap, oholtzara

Imanol Epeldek Etxepare Rap proiektua eman zuen ezagutzera abenduan Interneten, Argiaren blog plataforman. Lehenago ere ezagutu dizkiogu musika, hitza eta antzerkiarekiko grina Komuneko paperean errezitaldian, SKT sekuentzia taldean eta 27 zapata blogean. Aurki oholtza gainean aurkeztuko du Etxepare rap, Zarautzen eta Donostian egingo dituen emanaldietan.

Iñaki Irasizabali elkarrizketa

Leialtasunaz mintzo da Odolaren deia (Elkar) nobela laburrean

Ostirala, 2014-04-11
Iñaki Irasizabali elkarrizketa

Nobela beltza gustuko baduzue, akaso gogoko izango duzue Iñaki Irasizabalen bibliogafia oparoa. Liburu bakoitzean, trama bera bezain garrantzitsua da irakurlearengan piztu ditzakeen hausnarketak. Gaurko gizartearen errealitate ezberdinak islatzen baititu bere nobeletan. Eta Odolaren deia (Elkar) nobelan, leialtasuna da kontakizunaren muinean dagoena. Eta zeharka, jada luzatzen ari den krisi ekonomikoa. “Nobeletan, atzetik ikusten diren paisaia horietan, gizarteak agertu behar duela iruditzen zait. Krisia urte askotako kontua da dagoeneko, eta agertu beharra zuen. Eta nobela beltza izanda, are gehiago”, halaxe aitortu digu.

Amuak

Bideoa

    2014ko literatura uztak eman duenaz solastu zuten aurreko larunbatean ETB1eko Sautrela saioan. Horretarako, ohiko oholtza utzi eta mahai-inguru baten bueltan bildu ziren Hasier Etxeberria saioaren aurkezlea, Jasone Osoro EIEko lehendakaria eta idazlea, Juan Luis Zabala Berriako kazetaria eta Beñat Sarasola Sautrelako kolaboratzailea. Ordu erdiz, urteak eman dituen liburu aipagarrienak hartu zituzten ahotan, eta, halaber, aurreko urtean euskal literaturaren joerak norantz egin duten aztertu zuten. Oro har, baikor aritu ziren hizlariak.

Agenda

Harremanetarako

Oier Guillan & Danele Sarriugarte & Imanol Ubeda
This e-mail address is being protected from spambots. You need JavaScript enabled to view it.

Txioak

Laguntzaileak