Iņigo Astizekin solasean

Sylvia Plathen Ariel liburua eta Hondakindegia errezitaldia izan ditugu mintzagai

Ostirala, 2014-02-07
Iņigo Astizekin solasean

Duela urte bi ezagutu genituen Iņigo Astizen poemak, Susaren eskutik Baita hondakinak ere liburua kaleratu zuenean. “Bada beste gorputz bat gure gorputzetan” dio liburuko poema batean; idazlearen gorputza ere hainbat gorputzek osatzen ahal dute, Astizen kasuan kultura arakatuz Berriarako idatzi artikulu eta kroniken besoetan, Denonartean argitaletxearen eskutik plazaratu berri dituen Sylvia Plathen poemen enborrean, Mikel Ayerberekin batera sortutako Hondakidegia poesia emanaldiaren ahoan. Horrelako gorpuzkinak izan ditugu mintzagai elkarrizketa honetan.

Eneko Aizpuruari elkarrizketa

Herensuge gorriaren urtea (Erein) nobela plazaratu berri du

Ostirala, 2014-01-31
Eneko Aizpuruari elkarrizketa

Lapurretak, iruzurrak eta erasoak nabarmen ugaritu dira aspaldi honetan Goierri partean. Herritarrak kalera atera dira segurtasun ezagatik protestaka. Hori gutxi balitz, badirudi baten batzuk hitzetatik ekintzetara pasatu eta justizia beren kabuz egin nahian hasi direla. Giro horretan hasi beharko du lanean Mikel Egileor kazetaria. Era honetan, Errauts (Erein, 2011) nobelako protagonistari segida eman dio Eneko Aizpuruak. "Iruditzen zait Mikel Egileorrek joko gehiago eman dezakeela, eta pertsonaia hori sendotu eta garatzea gustatuko litzaidake. Ideia batzuk badabilzkit bueltaka…". Beraz, nobela beltzan ohikoak diren saga horietako baten aurrean gaudela esan daiteke.

Josu Jimenez Maiarekin solasean

"Orbel azpiko haikuak" liburua plazaratu du Denonartean argitaletxearen eskutik

Ostirala, 2014-01-24
Josu Jimenez Maiarekin solasean

Laburrean zehatz, iradokitzaile, naturari loturik idazten dira haikuak. Sentimenduak baino, irakurleari sentsazioak transmititzeko xedez. Haikuekin osatutako bigarren liburua plazaratu du Josu Jimenez Maiak: Orbel azpiko haikuak, Denonartean argitaletxearen eskutik. Haikugintza izan dugu mintzagai, batez ere, elkarrizketa honetan.

Itxaro Bordari elkarrizketa

Gu(haur) arrotz(ak) disko-liburuan hartu du parte

Ostirala, 2014-01-17
Itxaro Bordari elkarrizketa

L´Orchestre Maigre taldearekin batera, Ogella Line disko-liburua osatu zuen duela urte batzuk Itxaro Bordak. Oraintsu lan berri bat eman dute argitara: Gu(haur) arrotz(ak) izenekoa. Testuak, honakoan, David de Souza eta Itxaro Bordarenak dira; eta musikak eta zaratak, L´Orchestre Maigre orkestrarenak. "Gure herrialdeak zeharkatzen dituzten migranteekiko elkartasuna erakustea xede genuen, azken urte hauetan Europako gaztelu zainduaren hondartzetan gertatzen diren itsuskeriak salatzeko modu bat bilatuz, olerkiaren eta musikaren bidez bereziki. Kultura bera arrotza da dirua nagusi duen jendarte batean. Hori ere azpimarratzeko gutizia genuen", halaxe aitortu digu Itxaro Bordak.

Garbiņe Ubedarekin solasean

"Hobe isilik" liburua izan dugu mintzagai, eta harekin memoria, sormena, kazetaritza

Osteguna, 2014-01-09
Garbiņe Ubedarekin solasean

Garbiņe Ubedak Hobe isilik nobela plazaratu du Elkar argitaletxearen eskutik, Augustin Zubikarai beka jaso ostean. Egileari gertatutako istorio erreal batetik abiatzen da bertako fikzioa, historia liburuetan agertzen ez diren istorioak jasotzeko xedez. Pertsonen egiak, sormenean gorderik diren oroitzapenak.

2013an egin ditugun elkarrizketak

Joan berri den urtean izan ditugun solasaldien konpilazioa

Astelehena, 2013-12-30
2013an egin ditugun elkarrizketak

Hitzen Uberan martxan jarri zenetik, astero-astero elkarrizketa sakon bat eman ohi dugu argitara. 2013an, hauexek izan dira solaskide izan ditugun idazleak eta aztergai izan ditugun liburuak. Eguberrien ondoren ekingo diogu berriro asteroko elkarrizketen dinamikari.

Xabier Etxaniz Rojori elkarrizketa

Sirena-hotsak narrazio liburua plazaratu du Ereinekin

Ostirala, 2013-12-20
Xabier Etxaniz Rojori elkarrizketa

Idazle donostiarraren zazpigarren narrazio liburua da Sirena-hotsak (Erein). Lau kontakizun eta hamaika istorio topatuko ditu irakurleak. “Asko eta asko asmatutakoak dira”, hala adierazi digu Xabier Etxaniz Rojok. “Baina istorio gehienetan badira errealitatearekiko lotura txikiak”. Errealitatera lotuta daude, hein handi batean, Berria egunkarirako idazten dituen zutabeak ere. Ostegunetan, azken orrialdean topatuko duzue. “Lana da, baina ordenagailuaren aurrean jartzen naizenean, normalean oso ondo pasatzen dut”. Sirena-hotsak liburuaz, ipuinez eta prentsarako ondu ohi dituen idatziez aritu gara luze-zabal solasean.

Peru Magdalenarekin solasean

Ostirala, 2013-12-13
Peru Magdalenarekin solasean

Zaldiz azaldu zen Ahotseneara bere liburua aurkeztera. Bere liburu bateko pertsonaia izan liteke, baina izan, idazlea da. Generoen arteko mugak apurtu nahian bezala, idazlearen beraren rola. Egia esan izeneko nobela kaleratu du Peru Magdalenak Elkar argitaletxearen eskutik. Baina agian nobela esatea ez da aski, egia esan. Aipu ugarien bitartez loturak sortzen ditu egileak narrazioan zehar, artea eta literaturari buruz gogoeta eginez; poesiaren eragina suma daiteke tarteka, aipuetan eta estiloan; guztia bidaia bati atxikirik, seme-aita harreman baten norabidean.

Azken afaria (Susa), Xabier Montoiaren ahotan

Lehen aldiz, kazetarien aurrean aurkeztu du bere nobela bat

Osteguna, 2013-11-28
Azken afaria (Susa), Xabier Montoiaren ahotan

Azaroak 27 asteazkena. Arrate Mardarasen Pendrive (Susa) liburuaren aurkezpena amaitu berri da. Donostiako Udal Liburutegitik ospa egitekotan dira kazetariak eta Susako editoreak azken oharra bota du: “gogoan izan bihar Azken afaria (Susa) Xabier Montoiaren nobela berria aurkeztuko dugula hemen”. Kazetari batek berehala erantzun dio, “hitz egingo du orduan? Nola egin duzue?”. Estrainekoz, beraz, idazlearen beraren ahotan entzun ahal izan ditugu Azken afaria liburuari buruzko xehetasunak. Jon Benitok gidatu duen solasaldia duzue ondokoa.

Uxue Alberdiri elkarrizketa

Euli-giro (Susa, 2013) liburuaz eta beste hainbat kontuz aritu gara

Ostirala, 2013-11-22
Uxue Alberdiri elkarrizketa

"Sekula baino liburu ilunagoa atera zaidan arren plazeretik idatzitakoa da, inoiz baino gehiago. Izan ditut idazketa-prozesuarekin lotutako gatazkak, blokeoak eta amorrazio aldiak, baina kanpo presioetatik inoiz baino askeago idatzi dut. Nire martxan, eperik gabe idatzi dudan lehen liburua da". Akaso horregatik iruditu zaigu koxka bat egin duela aurrera Uxue Alberdik. Berezko idazkera  erdiesten hasia dela. Euli-giro (Susa, 2013) liburuko ipuinen izenburuak aitzakia hartuta, idazleaz, idazlanaz eta beste kontu batzuez hitz egiteko aukera profitatu dugu.

Amuak

Bideoa

    Iolanda Zuņigaren  Post-it bizitzak (Pasazaite) liburua ekarri du euskarara Iņigo Roque Eguzkitzak. “Liburu honetako bizitza puskak arruntak dira, gutxietsiak, iragankorrak, trukagarriak. Baina, halaber, egiazkoak”, argitaletxearen web orrian irakurri dugunez.

Agenda

Harremanetarako

Oier Guillan & Imanol Ubeda
This e-mail address is being protected from spambots. You need JavaScript enabled to view it.

Txioak

Laguntzaileak