Aritz Gorrotxategiri elkarrizketa

90eko giro sozio-politikoan kokatu du Koldar hutsa zara (Erein) nobela

Ostirala, 2015-07-17
Aritz Gorrotxategiri elkarrizketa

"Errelatoaz hitz egiten denean, Euskal Herrian badago horrelako bertsio ofizial bat dagoeneko eginda. Hemen zer gertatu da? Ba hau eta hau. Nik uste dut gauza asko gertatu direla". Aritz Gorrotxategi idazlearen hitzak dira, Koldar hutsa zara (Erein) liburuaren aurkezpenean eginak. "Beste gauza asko ere gertatu direla azaldu nahi nuen. Liburuan kontatzen ditudan gauza asko ezagutu egin ditut; bizi ere bai batzuk, beste batzuk entzun... Eta ez dute zerikusirik ortodoxiatzat jotzen den istorioarekin". 90eko hamarkadaz, gatazkaz, literaturaz, nobela berriaz eta nobelako protagonistez luze zabal hitz egiteko aitzakia eman digu Koldar hutsa zara (Erein) nobelak.

Maider Agirre Gurrutxagarekin solasean

Ostirala, 2015-07-10
Maider Agirre Gurrutxagarekin solasean

Maider Agirre Gurrutxagak Bihotzero nobela plazaratu du autoedizioaren bidetik. Idoia Beratarbide Arrietaren irudiekin osatu du liburu-objektura gerturatzen den edizioa, eta Joxerra Garziaren laguntza izan du aurkezpenetan zein editore lanean. Batzuek egunero idazten dute; nik, bihotzero" idatzi du liburuan egileak, eta elkarrizketa honetako galderak ere horrelaxe erantzun ditu, taupadaka "Bihotzak bizi banau idazteak ematen dio arnasa bihotzari. Bihotzak bizi, idazteak arnas. Bizi, arnas. Bihotzero".

"Sortzaile barnekoia naiz, neure bideari atxikitakoa"

Amaia Iturbiderekin solasean

Ostirala, 2015-07-03

Amaia Iturbide (Bilbo, 1961) idazle oparoa dugu. Euskal Filologiako ikasketak egin eta ondoren irakasle gisa jardun du. Narrazioan eta poesian argitaratu ditu lan gehien, hala ere, margolaria ere bada, eta arteen arteko zubiez artikulu eta liburuak idatzi ditu. Iaz, hain zuzen, sormeneko hainbat alor bateratzen zituzten bi liburu plazaratu zituen, Entseiukarrean izenekoa bata, eta Ikuspuntuak izeneko artikulu-bilduma bestea. Horien bueltan galdetu diogu, eta poesia eta artea ere hartu ditugu hizpide elkarrizketa honetan.

Koldo Izagirreri elkarrizketa

"Lorea Gernika, andrazko bat-eko testuak ez dauka zer ikusirik orain arte idatzi dudanarekin"

Ostirala, 2015-06-26
Koldo Izagirreri elkarrizketa

Lorea Gernika, Andrazko bat (Susa) nobelan “ageri diren pasarte asko prentsarako txatalak bezala pentsatuak neuzkan, astean behineko kolaborazio bat egiteko”. Berria egunkariak egin zion enkargu bati esker hasi zen Koldo Izagirre Lorea Gernika pertsonaiaren ingurukoak idazten. “Idazten jarri eta luzera gabe, pertsonaia nagusitu zitzaion anekdotari. Gero eta garapen handiagoa eskatu zidan andrazko honek. Ezinezkoa egin zitzaidan prentsak derrigor behar duen karaktere kopuru zehatz eta murritzera mugatzea. Hala ere, trinko idazten dudala esango didate”. Ezerezean geratu zen kolaborazioa. Baina txatal horiekin eta ondoren idatzi zituen beste pasarte gehiagorekin ondu du Lorea Gernika, Andrazko bat nobela.

Eider Eibarrekin solasean

"Barrukoa" nire bizi-margolari ibilbideari luzatutako begirada bat da.

Ostirala, 2015-06-19
Eider Eibarrekin solasean

Eider Eibar ilustratzaileak Barrukoa izeneko album mutua plazaratu berri du Argitaletxea EDO!ren eskutik, hitzik gabe marrazkiaren eta marrazketa beraren barrunbeetan sartzen den istorioa. Barrukoa, ilustraziogintzaren egoera eta liburu batean kabitzen diren gauzak izan ditugu hizpide elkarrizketa honetan.

"Nire zeregina da 2. eskuko liburuen beste erosleei oharkabean pasatako altxorrak erreskatatzea"

La Casa de Atrás dendako liburuzainarekin solasean: Carlos G. de Marcos

Ostirala, 2015-06-12

Bilboko Alde Zaharrean, Iturribide kaleko 39. zenbakian, badago liburu-denda aski berezi bat: La casa de atrás. Bigarren eskuko liburuak eta biniloak saltzen dituzte, eta baita fantzineak eta komikiak ere. Azkenik, tatuaje-tailerra daukate atzeko gelan. Proiektuaren sustatzaile Carlos G. de Marcosekin hitz egin dugu horrelako espazio bat sortzeko arrazoiez, aurrera jarraitzeko arazoez, literaturaz eta Bilboko jendeez.

 

“Anne Sextonek argitasun handiz ikusten zituen gai ilunak, bisturi zorrotza zuen”

Harkaitz Canok idazle amerikarraren antologia bat ekarri du euskarara

Asteazkena, 2015-06-10
“Anne Sextonek argitasun handiz ikusten zituen gai ilunak, bisturi zorrotza zuen”

Munduko Poesia Kaierak zigiluaren baitan, Susa argitaletxeak hiru antologia berri plazaratu zituen udaberri hasieran. Tartean, Anne Sexton poeta iparramerikarraren poemarioa, Harkaitz Canok euskaratua. Donostiako idazlearen esanetan, autobiografikoa da Sextonen poesia. "Asko idatzi zuen bere buru eritasunari eta suizidioaren gaiari buruz. Gai ilunak, beraz. Baina kontua da argitasun handiz ikusten zituela gai ilunak, bisturi zorrotza zuen".

Sophia de Mello, Ińigo Roqueren begietan

"Umezaroko oroitzapenetara behin eta berriro itzultzen da. Horixe du paradisu galdua”

Asteartea, 2015-06-09
Sophia de Mello, Ińigo Roqueren begietan

Munduko Poesia Kaierak bilduman, orain, bada Sophia de Mello poeta portugaldarrari eskainitako antologia. Ińigo Roquek ekarri du De Melloren poesia euskarara. "Gure garaikidetzat ere har genezake", halaxe adierazi digu Hitzen Uberan izan dugun solasaldian. "Harrera oso beroa izan du; ponperiaz betea ere bai: Portugalgo poesiaren dama esan izan diote, Panteoian ehortzita dago. Hala, esan daiteke kanonaren erdi-erdian dagoela".

Gabriel Ferraterren peskizan

Aritz Galarraga: “Bizirik dagoen tradizio poetiko bat abiatzeagatik da ezagun”

Ostirala, 2015-06-05
Gabriel Ferraterren peskizan

Udaberri hasieran, Munduko Poesia Kaierak bildumako hiru antologia berri aurkeztu zituen Susa argitaletxeak. Honakoan, Gabriel Ferrater poeta katalana, Sophia de Mello poeta portugaldarra eta Anne Sexton poeta iparramerikarraren bildumak ekarri dituzte euskarara. Poeten eta euren lanen berri gehiago jaso asmoz, hiru itzultzaileengana jo dugu. Aritz Galarraga, Ińigo Roque eta Harkaitz Canoren hitzak batu ditugu, hurrenez hurren. Hiru elkarrizketak batera plazaratzeko asmoa genuen. Baina mamitsuak dira denak, eta hiru elkarrizketek merezi duten atentzioa bidean gal ez dadin, solasaldiak banaka –eta banandurik– argitaratzea deliberatu dugu. Gabriel Ferraterren inguruan Aritz Galarragak egin dizkigun adierazpenekin hasiko gara. Ekainaren 9an, Ińigo Roque-Sophia de Melloren txanda izango da. Eta ekainaren 10ean, Harkaitz Cano izango da solaskidea, eta Anne Sexton solasgaia.

Patxi Zubizarretari elkarrizketa

Joserra Senperena eta Mintxo Cemillanekin plazaratutako "50" nobela eta "Baso bat opari" emanaldia izan ditugu hizpide

Ostirala, 2015-05-29
Patxi Zubizarretari elkarrizketa

Patxi Zubizarretak 50 nobela plazaratu du Txalaparta argitaletxearen eskutik, CD batez lagundurik. Joserra Senperena musikaria eta Mintxo Cemillan ilustratzailea izan ditu bidaide proiektu honetan, hala audio-liburuan nola oholtzarako prestatu duten “Baso bat opari” emanaldian.

Amuak

Bideoa

    Luis Gardek bere lehen nobela aurkeztu berri du Pamiela argitaletxearen eskutik: Ehiztariaren isilaldia. Bertan bi ildo dira nagusi istorioaren eraikuntzan: lehena 1938ko ezkaban kokatua, bigarrena egun kokatua, liburua idazteko prozesua bera nolabait islatzen duena "Ezkaban preso matxinatu talde batek Iruńea ondoko San Kristobak Gotorlekuko ateak ireki ditu. Ihes jendetsua giza ehiza baten hasiera izanen da. Bi iheslari askatasunaren bila dabiltza inguruko haranetan barna. Donemarien berriz, gaur egun, hedapen urriko poemen idazle batek Ezkabako ihesaldiari buruzko nobela bat hastea erabaki du...".

Agenda

Harremanetarako

Oier Guillan & Danele Sarriugarte & Imanol Ubeda
This e-mail address is being protected from spambots. You need JavaScript enabled to view it.

Txioak

Laguntzaileak