Gotzon Barandiaranekin solasean

"Gidariaren okerra" bigarren nobela plazaratu du Susa argitaletxearen eskutik

Ostirala, 2016-02-05
Gotzon Barandiaranekin solasean

Gidariaren okerra bigarren nobela plazaratu du Gotzon Barandiaranek Susa argitaletxearen eskutik. Azken asteetan aurkezpen sorta bat egiten dabil, irakurleekin feed back zuzena eduki nahian (atzo Katakraken aurkeztu zuen, otsailaren 11an Zarautzen aurkeztuko du). Bere ibilbideaz, nobelaren mekanismoez eta ahots poetikoaz mintzatu gara elkarrizketa honetan, baina Gotzon Barandiaranekin ohikoa den legez, gehiagorako ere eman dute lerro arteek.

Karlos Gorrindori elkarrizketa

Ezpainak arrainak bezala (Erein), obsesio baten kontakizuna

Ostirala, 2016-01-22
Karlos Gorrindori elkarrizketa

Haur eta gazte literaturan, hainbat liburu plazaratu ditu azkenaldian. Helduentzako literaturari dagokionez, hogei urteko isilunea hautsi berri du. Ereinek plazaratu duen nobela, Ezpainak arrainak bezala izenekoa, bakarrizketa estiloan idatzia dago. Gorka (protagonista nagusia) erabat obsesionatuta bizi da Marta bere andrearekin. Martak harremana hautsi nahi du, baina Gorkak kosta ahala kosta salbatu nahi du. Idazkerari dagokionez, ahozkotasunetik hurbil ibili da Karlos Gorrindo. “Hausnarrean zabiltzanean, hizkuntzarekiko sortzen diren loturak lotura laburrak izaten dira eta bide hori jorratu nahi izan dut”.

Adur Larrearekin solasean

"Gabriel Aresti BioGrafikoa" liburua plazaratu berri du

Ostirala, 2016-01-15
Adur Larrearekin solasean

Gabriel Aresti BioGrafikoa izeneko komikia idatzi eta marraztu du Adur Larreak, Gabriel Aresti kultur elkartearen eskutik. Bertan, Aresti-idazle eta Aresti-polemistaz gain, Aresti-pertsona ekarri du plazara egileak. Liburuak Arestiren bizitzako zertzelada ugari ekarri ditu, garaiko Bilbo marraztearekin batera: euskal literaturaren inguruko eztabaidak, kaleko hizkuntza talka, Arestiren bizitzako etapa ezberdinak, ofizioak, guztietan erakutsitako pasioa... Elementu gutxirekin eta sintesi gaitasun handi batekin kontaketa bizia sortu du Adur Larreak Arestiren biografiaren inguruan.

Ibon Egañarekin solasean

1975-2005 bitartean hedabideetan argitaratutako literatur kritikak aztertu ditu

Ostirala, 2016-01-08
Ibon Egañarekin solasean

Ibon Egaña literatur kritikariak ikerketa egin du azken 30 urteotan prentsan idatzitako literatur kritikari buruz. Iaz aurkeztu zuen lan horretan oinarritutako liburua, Utriusque Vasconiaren eskutik, eta bidean topatu eta aztertu dituenez galdetu diogu elkarrizketa honetan.

Jasone Osorori elkarrizketa

Paisaia emozional bat margotu du 12etan bermuta (Elkar) nobelan

Ostirala, 2015-12-18
Jasone Osorori elkarrizketa

Azken urteotan gazteentzat idazten aritu eta gero, helduen literaturara itzuli da Jasone Osoro. Atzean geratu da Tentazioak (Elkar, 1998) narrazio liburu sonatuaren egile xalo hura. Eta bueltatu, heldutasun erakargarri batekin bueltatu da. Arriskuaren bidea hautatu duelako, hein handi batean. "Nobela honekin banekien zer nahi nuen kontatu baina konturatu nintzen modu tradizionalari tira eginez ez zuela funtzionatzen", halaxe azaldu digu Hitzen Uberan izan dugun solasaldian. "Emozioetatik abiatu nahi nuen, eta ez gertaeretatik". 12etan bermuta ezohiko estilo batean idatzia dago. Mosaiko baten eran eraiki du nobelaren trama eta “emozioen kaosaren logika jarraitzen du kontakizunak”.

Txerra Rodriguezekin solasean

"Sutondoko kontuak" liburua autoeditatu berri du

Ostirala, 2015-12-11
Txerra Rodriguezekin solasean

Txerra Rodriguezek Sutondoko kontuak liburua plazaratu du autoedizioaren bidetik. Aurretik Garagoikoa blogeko testuak eta Sechu Senderen Made in Galiza (Txalaparta, 2012) eta Sorgin ehiztaria (Armiarma.eus, 2015) lanen itzulpenak ezagutu dizkiogu, besteak beste. Duela gutxi liburuaren aurrerapena eta lagina eskaini genizkizuen, oraingoan berriz sakoneko elkarrizketa: soziolinguistikaz, hizkuntza eta gozamenaren arteko iraganaz, orainaz eta etorkizunaz.

Alaine Agirreri elkarrizketa

"Pasio handi batek ekarritako ikarari buruz idatzi nahi izan dut"

Ostirala, 2015-11-27
Alaine Agirreri elkarrizketa

Bermeon jaiotako idazle honek iaz plazaratu zuen lehen nobela: Odol mamituak (Elkar). Eta urtebeteko epean, bigarren nobela eman du argitara: X hil da (Elkar). Liburu berri honen bitartez, "pasio handi batek ekarritako ikarari buruz idatzi nahi izan dut, maitasun baten obsesio ero bat. Pasioa eta maitasuna, alde batetik, eta horiek dakartzaten ikara eta obsesioa, bestetik". Nobela honetako trazu batzuk, lehen kolpean margotu bezala ageri dira koadroan. Gordin. Zuzen. Bakarrizketa batean suertatzen den gisan.

Andoni Urzelairekin solasean

Ostirala, 2015-11-20
Andoni Urzelairekin solasean

Andoni Urzelaik Karanbola toxikoak narrazio liburua plazaratu berri du Susa argitaletxearen eskutik. Euskal kulturgintza umorearen jomugan jartzen ditu lan honek, baina pertsonon kezka unibertsalei ere leku eginez.

Tere Irastortzari elkarrizketa

Mundua betetzen zenuten poema-liburua argitaratu du

Ostirala, 2015-11-13
Tere Irastortzari elkarrizketa

Poema-liburu berria argitaratu du Tere Irastortzak. Ibilbide oparoa egina du zaldibiarrak, batik bat poesian, hamargarren lana du hau, kaleratutakoen artetik. Jose Angel Irigarai Pamielako editorearen esanetan, mugarri bat ezarri du obra honekin, gizakion galdera handiei erantzuna bilatzeko estetika eta iruditegi propio berri bat. Ingurukoen galerak eta dolu-prozesuek badute tokirik liburuan; hala ere, tonua ez da inondik ere goibela, heriotzari buruz beste modu batera hitz egiteko eta pentsatzeko espazioa aldarrikatzen baitu Irastortzak. Horretaz guztiaz jardun dugu berarekin elkarrizketa honetan. (Irudia: Zaldi ero)

Goizalde Landabasori elkarrizketa

Babeserako kopia (Elkar) poesia liburua plazaratu berri du

Ostirala, 2015-11-06
Goizalde Landabasori elkarrizketa

Idaztea oroitzeko dagoen jarduerarik indartsuena da. Hala adierazi digu Deustuko idazleak. Ezlekuan sentitzen da maiz. Eta hori ere bada Babeserako kopia (Elkar) poesia liburuaren beste hari-muturretako bat. "Ni arrotz sentitzen naiz batzuetan, nire etxean, gorputzean, lantokian, familian. Eta beti Sarrionandiaren liburu baten titulua etortzen zait: ni ez naiz hemengoa. Ez da tarte luzetako sentsazioa izaten. Noizean behin etortzen zaidan flash bat da, sentimendu iheskor bat, baina hor dagoena".

Amuak

Bideoa

    Donostiako Ilustratzaileen Txokora hurbiltzen bazarete, Asun Balzolaren erakusketa topatuko duzue. Urriaz geroztik, bere hainbat obra daude ikusgai: liburuetako ilustrazio originalak, fotolitoak, zirriborroak, storyboard-ak, testuak, diapositibak, seiluak, postalak, bere objektu kutunak, eta abar.

    Hurbildu nahi duenak baina, arin ibili beharko du. Erakusketa bisitatzeko epea otsailaren 21ean amaituko baita. Asun Balzola (1942-2006) euskal ilustrazioak eman duen artista emankorrenetakoa da. Erakusketaren karietara, bideo hau eskegi zuten Donostia Kulturaren web orrian. Elena Oregi Donostiako Liburutegi Nagusiko haur saileko arduradunak Mariasun Landa idazleari egindako elkarrizketa duzue. Asun Balzolaren bizitzaz eta obraz mintzo dira biak.

Agenda

Harremanetarako

Oier Guillan & Danele Sarriugarte & Imanol Ubeda
This e-mail address is being protected from spambots. You need JavaScript enabled to view it.

Txioak

Laguntzaileak