Andoni Arcillak 2011ko abenduan kaleratu zuen Hilkorra ez banintz (Gaztelupeko Hotsak) izeneko diskoa. Bertan jazz doinuak ziren nagusi, idazle hauen poema eta kantuekin uztarturik: Jon Mirande, Hedoi Etxarte, Koldo Izagirre, Angel Erro, Itxaro Borda, Anna Akhmatova eta Rikardo Arregi Diaz de Heredia. Lehenago Etxarterekin berarekin entzun ahal izan genuen Arcilla pianoa jotzen, Suzko lilia liburua aurkezteko egindako errezitaldietan. Hemen entzun dezakezuena, Izagirreren ‘Bolueta-Sestao 06.13’ poemarekin egindako kanta da.

Jon Minerrek Leire Bilbaoren testu bat musikatu du: Scanner (Susa, 2011) liburuko 'Oinen arteko hutsunea' poema. Jarraian entzun eta irakurri dezakezue.

Hura ez da lekua diska-liburua aurkeztu zuen astelehenean Txalaparta argitaletxeak. Bertan parte hartu dute Ander Fernandez musikariak eta Asier Sarasola idazleak. Jarraian entzun dezakezue lan honetako poema musikatu bat.

Jon Minerrek Ekhiñe Egiguren Azkuneren testu bat musikatu du: Hirigrafiak eta paisagramak (Pasaia Hiria-Bermingham, 2012) liburuko 'Munchen oihua' poema. Jarraian entzun eta irakurri dezakezue.

Jexuxmai Lopetegi (Zarautz, 1956) musikaria Akelarre taldearekin (1985-1993) eta Kepa Junkerarekin (1994-95) ibili izan da lanean. Bakarkako bost disko kaleratu ditu Jexuxmai & Noizbehinka izenarekin, azkena Izar Uxo (2009). Aingura honetan Joseba Sarrionandiaren Ez gara gure baitakoak liburuko 'Paisaia intimoa' testua musikatu du.

Gotzon Arrizabalagak Juan Ramon Makusoren 'Banaiz izan gabe' poema musikatu du, Hiri gorazarre (Elea, 2006) liburuan topa daitekeena.

Jon Minerrek Jose Luis Otamendiren poema bat musikatu du, Erlojuen mekanika (Susa, 2007) liburuan topa dezakezuen 'Lehoinabar burgestua'.

Urko Menaiak Urtzi Urkizuren poema bat musikatu du: Kezka bat gutxiago (Maiatz, 2012) liburuan topatu dezakezuen 'Ziria' izenekoa.