Jon Miner eta Oier Guillan

Astelehena, 2013-12-23 | Jon Miner
Jon Miner eta Oier Guillan

Jon Miner musikariak Oier Guillanen poema bat musikatu du, 1999an Pasaiako Hiria poesia sariketaren harira argitaratutako Gabeziak bildumako "Nire begi kiskaliak ixteko".

Rafa Rueda eta Gabriel Aresti

Osteguna, 2013-11-07 | Poema musikatuak
Rafa Rueda eta Gabriel Aresti

Rafa Ruedak sarritan musikatu ditu euskal idazleen poemak. Oraingo honetan Gabrielen lekua proiektuaren harira jantzi ditu doinu eta ahotsez Gabriel Arestiren zazpi testu: sentikarian jotzen dituen sei kantak eta bat gehiago entzun daitezke titulu berarekin kaleratu den disko-liburuan. Haien artean da Poema musikatuak atalean entzun dezakezuen "Egia bat esateagatik".

Andoni Arcilla eta Koldo Izagirre

Asteartea, 2013-04-09 | Andoni Arcilla
Andoni Arcilla eta Koldo Izagirre

Andoni Arcillak 2011ko abenduan kaleratu zuen Hilkorra ez banintz (Gaztelupeko Hotsak) izeneko diskoa. Bertan jazz doinuak ziren nagusi, idazle hauen poema eta kantuekin uztarturik: Jon Mirande, Hedoi Etxarte, Koldo Izagirre, Angel Erro, Itxaro Borda, Anna Akhmatova eta Rikardo Arregi Diaz de Heredia. Lehenago Etxarterekin berarekin entzun ahal izan genuen Arcilla pianoa jotzen, Suzko lilia liburua aurkezteko egindako errezitaldietan. Hemen entzun dezakezuena, IzagirrerenBolueta-Sestao 06.13’ poemarekin egindako kanta da.

Jon Miner eta Leire Bilbao

Asteartea, 2013-01-15 | Jon Miner
Jon Miner eta Leire Bilbao

Jon Minerrek Leire Bilbaoren testu bat musikatu du: Scanner (Susa, 2011) liburuko 'Oinen arteko hutsunea' poema. Jarraian entzun eta irakurri dezakezue.

Ander Fernandez eta Asier Sarasola

Osteguna, 2012-11-29 | Asier Sarasola
Ander Fernandez eta Asier Sarasola

Hura ez da lekua diska-liburua aurkeztu zuen astelehenean Txalaparta argitaletxeak. Bertan parte hartu dute Ander Fernandez musikariak eta Asier Sarasola idazleak. Jarraian entzun dezakezue lan honetako poema musikatu bat.

 

Jon Miner eta Ekhiñe Egiguren

Asteazkena, 2012-09-05 | Jon Miner
Jon Miner eta Ekhiñe Egiguren

Jon Minerrek Ekhiñe Egiguren Azkuneren testu bat musikatu du: Hirigrafiak eta paisagramak (Pasaia Hiria-Bermingham, 2012) liburuko 'Munchen oihua' poema. Jarraian entzun eta irakurri dezakezue.

Jexuxmai Lopetegi eta Joseba Sarrionandia

Osteguna, 2012-07-05 | Jexuxmai Lopetegi
Jexuxmai Lopetegi eta Joseba Sarrionandia

Jexuxmai Lopetegi (Zarautz, 1956) musikaria Akelarre taldearekin (1985-1993) eta Kepa Junkerarekin (1994-95) ibili izan da lanean. Bakarkako bost disko kaleratu ditu Jexuxmai & Noizbehinka izenarekin, azkena Izar Uxo (2009). Aingura honetan Joseba Sarrionandiaren Ez gara gure baitakoak liburuko 'Paisaia intimoa' testua musikatu du.

Gotzon Arrizabalaga eta Juan Ramon Makuso

Astelehena, 2012-06-18 | Gotzon Arrizabalaga
Gotzon Arrizabalaga eta Juan Ramon Makuso

Gotzon Arrizabalagak Juan Ramon Makusoren 'Banaiz izan gabe' poema musikatu du, Hiri gorazarre (Elea, 2006) liburuan topa daitekeena.

Amuak

Bideoa

    Mikel Peruarenak Su zelaiak nobela berria aurkeztuko du Susa argitaletxearen eskutik.

    Lehen Mundu Gerrako bataila eta triskantzetan Euskal Herriko 6.000 lagun hil ziren, eta beste milaka batzuk era lazgarrian hondatu: itsu, maingu, herren, zoro. Belaunaldi oso bat sakrifikatu zen.

    Baionako Infanteriako 49. Erreximenduaren ibilerak aletuz, krudelkeria neurririk gabeko haren kontakizun gordina dakar Mikel Peruarena Ansaren bigarren nobelak. Soldadu saldoa duzu protagonista, infernuko zelaietan sarraski kolektibo batean kiskalia. Eta soldadu haien guztien artean da Filipe Luro ikazkina ere.

Agenda

Harremanetarako

Oier Guillan & Imanol Ubeda
This e-mail address is being protected from spambots. You need JavaScript enabled to view it.

Txioak

Laguntzaileak