'Balada para un loco', Josean Morlesinek ilustratua

Asteartea, 2012-02-21 | Egilea(k): Josean Morlesin

Josean Morlesin (Gasteiz, 1985) ilustratzaileak orain urte batzuk ilustratu zuen Balada para un loco tangoan oinarritutako bideoa. Hitzen Uberanen orduko lana berreskuratu eta esperientzia hura bere hitzekin azaltzea eskatu diogu.

 

Balada para un loco abestia Gasteizko taberna batean entzun nuen lehenengo aldiz, Marina Cedro eta Ricardo Urrutiaren eskutik. Astor Piazzolla eta Horacio Ferreren tango hau guztiz berritzailea izan zen bere garaian. Niretzat, etengabe ezerezetik irudiak sortarazten zituen magiazko saio zoragarria izan zen. Geroztik, Horacioren hitz magikoak irudikatzeari ekin nion, ilustrazioaz baliatuta. Lan prozesu eta erronka pertsonal horren emaitza, hemen duzun bideoa da. 2007ko azaroan, bukatu bezain pronto, Marinari erakutsi nion. Kontzertuetan proiektatzea proposatu zidan, bere ahotsa ilustratzeko asmoarekin. Dagoeneko, abestiaren protagonistek nik baino herrialde gehiago ezagutu dituzte; Frantzian, Italian eta Argentinan izan dira. Buenos Airesen ere, noski, haien jatorrizko hiria baita; iparra galdu duten haize-orratzen hiria, alegia. Hara iritsi nahi baduzu, Horacio eta Astorren formula magikoa errepika ezazu:

¡Bailá! ¡Vení! ¡Volá!

Josean Morlesin

Iruzkinak (1)

  • David
    2012-02-23 12:49

    Josean artista bat da! Aspaldi marrazki batzuk ikusi nituen Dublin tabernan eta benetan zoragarriak ziren!! Eta abesti honekin.. ufff ederra benetan! Mila esker Josean, zure marrazkiak guztioi oparitzeagatik!!

Iruzkina idatzi

Bideoa

    Mikel Ayllonek bere estreianko eleberria aurkeztu du, Elkar etxearen eskutik: Ez tiro egin anbulantziei. Igartza bekari esker burutu du lana. Ayllonen esanetan, eleberri berezia eta konplexua da, eta lana irakurri nahi duenak arreta handiz ekin beharko dio irakurketari. "Ez tiro egin anbulantziei" eleberria gizarte distopiko batean kokatzen da, ez-leku eta ez-denbora batean. Garaiaren deskribapenari garrantzia berezia eman dio Ayllonek. Garai zaharrekikoa eginda dagoela dirudienean, artean ez da mundu berririk etorri, eta hortxe bizi dira eleberriko pertsonaiak. Antonio Gramsci pentsalari italiarraren aipu bat ipini du liburuaren hasieran, eta, hain zuzen ere, aipu horrek ondo islatzen du garai nahasiekiko abiapuntua, esaten baitu, mundu berria hil delarik eta berria oraindik jaiotzeke dagoela, argi-ilun horretan jaiotzen direla munstroak.

Agenda

Harremanetarako

Oier Guillan & Danele Sarriugarte & Imanol Ubeda
This e-mail address is being protected from spambots. You need JavaScript enabled to view it.

Txioak

Laguntzaileak