Mari Luz Estebanen liburu gomendioa

Hallgrimur Helgason idazlearen Una mujer a 1000ş proposatu digu

Asteazkena, 2014-03-05 | Poema musikatuak
Mari Luz Estebanen liburu gomendioa

Mari Luz Estebanek Amaren heriotzak libreago egin ninduen izeneko poesia liburua kaleratu zuen iaz Pamiela argitaletxearen eskutik. “Askatasuna, heriotza, maitasuna, semealabatasuna, adiskidetasuna, amatasuna/gurasotasuna, sexualitatea, desira, ‘emakume izatea’, denbora” bezalako gaiak landu zituen. Solaskide izan genuen Hitzen Uberan. Orain, liburu gomendio batekin datorkigu. Hallgrimur Helgason islandiarraren Una mujer a 1000ş (Lumen, 2013) proposatu digu. “Historiarako pertsonaia oparitu digu: Herra. Ez da izen euskalduna baina noiz edo noiz kasualitate bikainak gertatzen dira”, Mari Luz Estebanek ondoko gomendioan aipatzen duenez.

Irati Bediagaren liburu gomendioa

Anna Gavaldaren Juntos, nada más (Seix Barral, 2004) liburua proposatu digu

Asteazkena, 2014-02-19 | Poema musikatuak
Irati Bediagaren liburu gomendioa

Irati Bediaga Galdakaon jaio zen, 23 urte ditu eta iaz bere lehen liburua plazaratu zuen: Beldarren hegaldia (Elkar), 10 urtetik gorako gaztetxoei zuzenduriko ipuina. Lehen pertsonan idatzitako narrazioa da. Nahia 10 urteko neskatila bat da, inguruak bultzatuta ballet ikasteko izena ematen duena, baina ez da oso eroso sentitzen dantza klasikoan. Haurtzaroan izaten diren beldur eta konplexuak umorez eta trebeziaz lantzen ditu, baita haurraren bizitzako alderdi desberdinak ere: lagunartea, familia, barne mundua… Guztia ere sentiberatasunez eta alaitasunez kontatuta. Lan honekin, Mikel Zarate haur literaturako saria irabazi zuen. Gomendio eske hurbildu gara eta hauxe da Irati Bediagak proposatu digun irakurketa: Anna Gavaldaren Juntos, nada más (Seix Barral, 2004).

Mikel Ibargurenen liburu gomendioa

Nâzim Hikmet turkiarraren obra poetikoa ekarri du gogora

Asteazkena, 2014-02-05 | Poema musikatuak
Mikel Ibargurenen liburu gomendioa

Berreskuratu beharreko poeta eta pertsona da Nâzim Hikmet turkiarra. Hala dio Mikel Ibarguren idazleak. Eta horregatik bere liburu jakin bat baino, bere obra poetiko osoa proposatu nahi digu. Dimentsio handiko poeta eta gizakia iruditu izan zaio beti: "Hikmeten poesia poesia bitala dela esango nuke. Poemek askotan anekdota edo detaile baten garapenak dirudite; sinpletasunetik abiatu eta poema egin arteraino heltzen direlarik. Plazer bat da bere literatur lanak irakurtzea".

Oscar Mansoren "Su guztiak"

Asteazkena, 2014-01-29 | Oscar Manso
Oscar Mansoren

"Su guztiak" izeneko poema bidali digu Oscar Manso idazle errenteriarrak, gazteleraz idatzitako jatorrizkoaren itzulpena. Mansori Breve historia de los conquistadores (batBada/Mikelazulo, 2010) poemarioa irakurri diogu lehenago, eta musikari gisa ere Kakahuete izeneko taldean entzun ahal izan dugu.

.

Ainara Gorostitzu Mujikaren liburu gomendioa

Annie Ernaux-en Gertakizuna (Igela), Joseba Urteagak euskaratua

Asteazkena, 2014-01-22 | Poema musikatuak
Ainara Gorostitzu Mujikaren liburu gomendioa

Ainara Gorostitzuk, ogibidez kazetari, Aldamenekoa (Elkar) liburua plazaratu zuen 2012an. Euskal Herrian azken aldian izan dugun immigrazioaz mintzo da liburu honetan, hamar erreportaje luzeren bitartez. Horietako bakoitzean, bere lurraldetik alde egin duen pertsona bat ezagutuko dugu sakonean: bere zirkunstantziak, gorabeherak, arazoak, ametsak, nahi eta ezinak… Puri-purian den beste gai bat ukitzen du Annie Ernaux-en Gertakizuna (Igela) nobelak: abortua. "Annie Ernauxek (Lillebonne, 1940) kontatzen duen iragan urrun hori gure etorkizun hurbil izango ote den. Horrexegatik estutu zait arnasa", halaxe dio bere iruzkinean Ainara Gorostitzuk. "Horrexegatik gomendatzen dut orain liburu hau".

Ernesto Prat Urzainkiren liburu gomendioa

Xanti Zapirain Kaiku-ren Bizi behar dugu (Txalaparta, 2005)

Asteazkena, 2014-01-08 | Poema musikatuak
Ernesto Prat Urzainkiren liburu gomendioa

Ihesean zebilela idatzi zuen Enesto Prat Urzainki Little-ek Hiru ilargi laurden (Metaziri, 2013) eleberria. Arkeologia delarik hizpide, abenturazkoa izan zitekeen tentsioa eta gizarte-gomuta uztartzen ditu eleberriak. Egileak berak Hitzen Uberan aitortu zigun moduan, “abentura handiena liburua bera idaztea izan da”. Honakoan, ordea, liburu gomendio eske hurbildu gara Ernesto Prat Urzainkirengana. 2005ean Txalapartak plazaratu zuen liburu hauxe proposatu digu: Bizi behar dugu, Xanti Zapirainek idatzia.

Jon Miner eta Oier Guillan

Astelehena, 2013-12-23 | Jon Miner
Jon Miner eta Oier Guillan

Jon Miner musikariak Oier Guillanen poema bat musikatu du, 1999an Pasaiako Hiria poesia sariketaren harira argitaratutako Gabeziak bildumako "Nire begi kiskaliak ixteko".

Gorka Etxeberria Casqueiroren hiru poema

Asteazkena, 2013-12-18 | Gorka Etxeberria Casqueiro
Gorka Etxeberria Casqueiroren hiru poema

Pasa den astean eman genizuen Gorka Etxeberria Casqueiroren 60 ordu zoologikoan liburuaren berri. Aste honetan, egileak berak aukeratutako hiru poema irakurri ditzakezue bertan. 60 ordu zoologikoan poesia liburua egileak berak argitaratu du, Elkar dendetan eta hainbat tabernetan eskuratu daiteke: Oreretako Landare, Mikelazulo eta Arkaitzan, Donostiako Herria, Ilargi, Urkamendi eta Ensantxen, Arrasateko Dat, Taupa eta Iluntzen.

Amuak

Bideoa

    “Atera egin zait”. Hala adierazi du hedabideen aurrean egin duen aurkezpen ekitaldian. Ez naiz ni (Elkar, 2012) ipuin liburua plazaratu ondoren etorri zitzaion Karmele Jaiori poesia idazteko bulkada. Horren emaitza da gaur aurkeztu duen lana: Orain hilak ditugu (Elkar, 2015) poesia liburua.

    Generoz aldatu badu ere, poema hauetan badira bere aurreko idatzietan agertzen diren konstanteak. Kontu autobiografikoak azalerazi ditu hainbat poemetan, eta hori izango da akaso liburu honek dakarren aldaera nabarmenena. “Idazlearen eta narratzailearen arteko harremana estuagoa da oraingoan. Badago ahots bat, lehen pertsonan hitz egiten duen ahots bat, eta agerikoagoa da idazlearen eta narratzailearen arteko harreman hori”.

    Dena den, narrazio-egile edo poeta, denetan idazlea berbera dela aitortu du: “ipuin liburuetan ere, neu agertzen nintzen, beste pertsonaia batzuen atzean mozorroturik akaso. Baina idazlea beti dago idazten duen horren atzean”.

    Orain hilak ditugu poesia liburuarekin errezitaldiak eskaintzeko asmoa du. Lehena Donostian izango da, irailaren 8an, Poesia Orduak zikloaren baitan.

Agenda

Harremanetarako

Oier Guillan & Danele Sarriugarte & Imanol Ubeda
This e-mail address is being protected from spambots. You need JavaScript enabled to view it.

Txioak

Laguntzaileak