Unai Baztarrikaren liburu gomendioa

Joxean Agirreren Adiskide bat nuen (Elkar, 2013) hautatu du

Asteazkena, 2014-09-24 | Poema musikatuak
Unai Baztarrikaren liburu gomendioa

Blas de Otero-Bilbo Uria Nazioarteko VI. Poesia Lehiaketa irabazi zuen iaz. Sariketara aurkeztu zituen poemekin osatu du bere lehen liburua: Ezinbestean (Erein, 2014). "Inoiz irmo izandako sentipen eta ideien dekadentziaz hitz egiten dut", hala aitortu zigun Hitzen Uberan izan genuen solasaldian. Orain, gure enkarguari erantzunez, liburu gomendio batekin dator gure artera. Liburu bat proposatzeko eskatu eta Joxean Agirreren azken nobela hautatu du: Adiskide bat nuen (Elkar, 2013). Unai Baztarrikaren iritziz, "erabiltzen duen ironia finak harilkatzen du nobelaren mamia eta protagonista-narratzailearen izaera anbiguoari forma ematen dio bide batez".

Iñigo Roque Eguzkitzaren liburu gomendioa

Pier Paolo Pasoliniren Le ceneri di Gramsci (1957) proposatu digu

Asteazkena, 2014-09-10 | Poema musikatuak
Iñigo Roque Eguzkitzaren liburu gomendioa

Itzultzaile gisa nabarmendu da azkenaldian. 2012an, Fernando Pessoaren Poemak pluralean antologia modukoa argitaratu zuen Denonartean etxearekin. Geroztik, Antonio Lobo Antunesen Gauzen ordena naturala (Literatura Unibertsala), F. Scott Fitzgeralden Plazeraren gau ilunekoak (Elkar) ipuin-antologia (Garazi Arrularekin batera) eta Iolanda Zuñigaren Post-it bizitzak (Pasazaite) liburuak ekarri ditu euskarara. Honakoan, gomendio eske jo dugu Iñigorengana. eta Pier Paolo Pasoliniren lan hau aukeratu du: Le ceneri di Gramsci (1957). "Aberri teluriko bat marrazten digu, oso lurtarra, gorespenik gabea, izerdiz eta bulko sentsualez ttittatua".

Hasier Rekondoren liburu gomendioa

Juan Carlos Onettiren Dejemos hablar al viento (1979) hautatu du

Asteazkena, 2014-06-25 | Poema musikatuak
Hasier Rekondoren liburu gomendioa

Aurretik izan da Hitzen Uberan, bere sormen lanak partekatzen. Besteak beste, Hasier Rekondoren hiru poema irakurri ditzakezue Aingura hegodunak atalean. Honakoan, liburu gomendio eske jo dugu Hasierrengana. Kazetari lanetan ibilia, yoga klaseak ematen ditu eta itzultzaile lanetan dihardu. Gustuko liburu bat aholkatzeko eskatu diogu eta Juan Carlos Onettiren Dejemos hablar al tiempo (1979) hautatu du.

Arrate Mardarasen liburu gomendioa

Emilia Pardo Bazán-en Insolación (1889) liburua hautatu du

Asteazkena, 2014-06-11 | Poema musikatuak
Arrate Mardarasen liburu gomendioa

Sei ipuin topatuko dituzue Arrate Mardarasen Pendrive (Susa) liburuan. Sei ipuin amodiozko. Baina pendrive honek bestelako idatziak ere jasotzen ditu bere baitan. Eta Arrate Mardarasek denak ipini nahi izan ditu agerian. Ez dakigu non ote zuen iruzkin hau gordea. Beste pendrive batean akaso? Guregana iritsi da behintzat, eta jaso bezala eman dugu hemen argitara: Arrate Mardarasen gomendio literarioa. XIX. mendeko nobela bat, hain juxtu.

Txani Rodriguezen liburu gomendioa

Iñaki Uriarteren Diarios (1999-2003) liburua proposatu digu

Asteazkena, 2014-05-28 | Poema musikatuak
Txani Rodriguezen liburu gomendioa

Kazetari, gidoilari eta idazle da Txani Rodriguez. Gazteleraz ipuin bilduma bat, El corazón de los aviones (2006), eta bi nobela argitaratu ditu: Lo que será de nosotros (2008) eta Agosto (2013). La carrera del sol izeneko komikiaren egilea ere bada. Iaz, euskarazko lehen sormen lana plazaratu zuen: Artzaina izan nahi dut, eta zer? (Elkar) izenekoa, Jokin Mitxelena ilustratzailearekin batera egina. Liburu gomendio eske jo dugu beregana eta Iñaki Uriarteren Diarios (1999-2003)liburua proposatu digu, Pepitas de Calabaza argitaletxeak 2011n plazaratua.

Maiatz 58, eta bi poema

Asteazkena, 2014-05-21 | Maiatz elkartea
Maiatz 58, eta bi poema

Maiatz aldizkariaren 58. alea zabaldu berri dute, 2014ko udaberriari dagokion zenbakia. Ohiko moduan, askotarikoak dira orriotako ahotsak eta generoak. Ale berri honetan pisu nabarmena du 1914ko gerrak, aldizkariaren hasierako orrietan. Maiatzek eskaini ohi dituen harribitxien artean, aipatzekoa da Jakes Lafitteren Euskaldunak Araban pastorala osorik irakurtzeko aukera. Guk Irati Murua eta Ekhiñe Egiguren Azkuneren berbak gerturatu nahi izan dizkizuegu lagin gisa.

Josu Jimenez Maiaren liburu gomendioa

Toyo Shibata japoniar poetaren antologia hautatu du

Asteazkena, 2014-04-02 | Poema musikatuak
Josu Jimenez Maiaren liburu gomendioa

“Japoniar guztiak ez dira samurai, Japoniako ziza guztiak ez dira shitake, eta Japoniako poesia guztia ez da haiku”. Josu Jimenez Maiaren hitzak dira hauexek. Liburu gomendio eske hurbildu gara Nafarroako idazle honengana, eta guk eskainitako tartea Japoniako poeta baten berri emateko baliatu du. Toyo Shibata poetaz mintzo zaigu ondoko lerroetan. Gomendioa igortzearekin batera, bere poema bat ere ekarri du euskarara.

Mikel Valverderen liburu gomendioa

George Pelecanosen Sin retorno liburua aholkatu digu

Asteazkena, 2014-03-19 | Poema musikatuak
Mikel Valverderen liburu gomendioa

Honakoan, Mikel Valverde artista plastikoarengana hurbildu gara liburu gomendio eske. Begi onez hartu du gure eskaintza eta, bueltan, George Pelecanosen Sin retorno liburuari buruzko lerro hauek igorri dizkigu. Kirmen Uribe, Mikel Urdangarin, Rafa Rueda eta Bingen Mendizabalekin batera, Jainko txiki eta jostalari hura (Elkar) disko liburuan hartu du parte Mikel Valverdek. Horretaz gain, liburu askotako portadak ere bere sinadura daramate.

Amuak

Bideoa

    Ia hamar urteren ostean poesia-sorkuntzara bueltatu da Gerardo Markuleta, eta poema-liburu berri bat argitaratu du Erein etxearen eskutik: Denbora bere lekura.

    Iragandako denbora pisu izan zaio poetari luzaroan, haurtzaro gatazkatsua eta nerabezaro gorabeheratsua bereziki. Zentzu horretan, atzera begira ipini eta iraganaren arrasto horietaz hitz egitea sendagarri gertatu zaio, bere buruarekin adiskidetzeko modu bat.

Agenda

Harremanetarako

Oier Guillan & Danele Sarriugarte & Imanol Ubeda
This e-mail address is being protected from spambots. You need JavaScript enabled to view it.

Txioak

Laguntzaileak