"Ez zaitut abandonatuko" sentikaria

Poesia Orduak 2012. Aurtengo saioak irailaren 3an eta 4ean izango dira Victoria Eugenia Club aretoan iluntzeko 20:00tan. Astelehenean, Paradisua eta katuak kontaera musikatua eskainiko da, Bernardo Atxaga eta Jabier Muguruzaren eskutik. Asteartean berriz, Ez zaitut abandonatuko, Bide Ertzean Trio eta Jon Benitorekin.

Donostia Kultura, Udalaren Euskara Zerbitzua eta Euskal Idazleen Elkartea  dira urtero Euskal Jaietan egin ohi diren errezitaldi hauen antolatzaileak. Sarrera dohakoa izango da aretoa bete arte eta gonbidapenak Victoria Eugenia Antzokiko lehiatilan banatuko dira emanaldien egunetan arratsaldeko 17:00etatik aurrera.


Xehetasunak

Data: Asteartea, 2012-09-04
Herria: Donostia, 20:00etan
Lekua: Victoria Eugenia Club aretoa

Harremanetarako

Bideoa

    “Atera egin zait”. Hala adierazi du hedabideen aurrean egin duen aurkezpen ekitaldian. Ez naiz ni (Elkar, 2012) ipuin liburua plazaratu ondoren etorri zitzaion Karmele Jaiori poesia idazteko bulkada. Horren emaitza da gaur aurkeztu duen lana: Orain hilak ditugu (Elkar, 2015) poesia liburua.

    Generoz aldatu badu ere, poema hauetan badira bere aurreko idatzietan agertzen diren konstanteak. Kontu autobiografikoak azalerazi ditu hainbat poemetan, eta hori izango da akaso liburu honek dakarren aldaera nabarmenena. “Idazlearen eta narratzailearen arteko harremana estuagoa da oraingoan. Badago ahots bat, lehen pertsonan hitz egiten duen ahots bat, eta agerikoagoa da idazlearen eta narratzailearen arteko harreman hori”.

    Dena den, narrazio-egile edo poeta, denetan idazlea berbera dela aitortu du: “ipuin liburuetan ere, neu agertzen nintzen, beste pertsonaia batzuen atzean mozorroturik akaso. Baina idazlea beti dago idazten duen horren atzean”.

    Orain hilak ditugu poesia liburuarekin errezitaldiak eskaintzeko asmoa du. Lehena Donostian izango da, irailaren 8an, Poesia Orduak zikloaren baitan.

Agenda

Harremanetarako

Oier Guillan & Danele Sarriugarte & Imanol Ubeda
This e-mail address is being protected from spambots. You need JavaScript enabled to view it.

Txioak

Laguntzaileak